DANIEL 2:49 - Dios Rimashcata Quillcashcami

⁴⁹ Danielca jatun mandacmanca Sadracta, Misacta, Abed-negota, Babilonia llactata mandacta ayudachun churachunmi mañarca. Cutin Danielca jatun mandac tiyanapimi saquirirca.

DANIEL 2:49 Iomraidhean Croise

ESTER 2:19

Carihuan manarac chayarishca solteracunata cutin tandachicpimi, Mardoqueoca jatun mandacpac huasi pungupi tiyacurca.

ESTER 2:21

Chai punzhacunapi jatun mandacpac pungupi Mardoqueo tiyacushpami pungupi cuidac Bigtán, shinallatac Teres eunuco runacuna yallita piñarishpa, jatun mandac Asuerota huañuchingapac huashalla parlanacucta uyarca.

ESTER 3:2

Jatun mandacpac huasi pungupi cuidac tucui serviccunami Amanpac ñaupapi cungurishpa cumurircacuna. Chaitaca jatun mandacllatacmi mandashca carca. Ashtahuanpish Mardoqueoca cai mandashcataca mana cazurcachu.

PROVERBIOS 28:12

Cashcata ruhuaccuna cushicucpica, yallita cushicuimi tiyan. Ashtahuanpish Diosta mana manchaccuna jataricpica, tucuimi miticuncuna.

JEREMÍAS 39:3

Babilonia llactata jatun mandac churashca mandaccunaca Jerusalenman yaicurca. Chashna yaicushpami, chaupi pungu ladocunapi carpacunata shayachishpa tiyarirca. Chai mandaccunaca: Nergal-sarezer, Samgar-nebo, Rabsaris nishca Sarsequim, Rabmag nishca Nergal-sarezer, shinallatac Babilonia llactata jatun mandac churashca tucui mandaccunami carca.

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

DANIEL 1:7

Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.

DANIEL 2:17

Chai quipaca Danielca huasiman rishpami, paihuan cac Ananiasman, Misaelman, Azariasman huillarca

DANIEL 3:1

Jatun mandac Nabucodonosormi curimanta shuc runaman ricchata ruhuarca. Chaica altomanca ishcai chunga canchis metro, anchomanca ishcai metro, canchis chunga centimetromi carca. Chai runaman ricchataca Babilonia llacta Dura pambapimi shayarirca.

DANIEL 6:2

Cutin paicunata mandachunca, quimsa mandaccunatami churarca. Chaica pai ama yallita llaquita apangapacmi, chai quimsa mandaccunamanmi imatapish tapuc carca. Chai quimsa mandaccunapurapica shucca Danielmi carca.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.