DANIEL 2:4 - Dios Rimashcata Quillcashcami

⁴ Shina nicpimi, paicuna arameo rimaipi rimashpaca: —¡Jatun mandaclla huiñaita causangui! Canta serviccunaman can muscushcata huillailla, ñucanchicca imata nisha nicushcata huillashunllami— nirca.

DANIEL 2:4 Iomraidhean Croise

GÉNESIS 31:47

Chai rumi montontaca «Labanca Jegar Sahadutatami» shutichirca. Cutin Jacoboca «Galaadtami» shutichirca.

GÉNESIS 41:8

Tutamanta paipac shungupi chai yuyailla cashpami, Egipto llactapi causac jatun yachaccunata cayachun cacharca. Paicuna shamucpica, tucui muscushcatami huillarca. Shina huillacpipish, chai muscushca imata nisha nicushcataca pi mana huillai pudircachu.

1 REYES 1:25

Cunanmi paica huirayashca huagracunata, shuctac animalcunata, achca ovejacunatapish huañuchishpa, jatun micuita ruhuangapac urai rishca. Chai micuimanmi can jatun mandacpac tucui caishuc churicunata, soldadocunata mandaccunata, shinallatac Abiatar curatapish cayashca. Riqui, paicunaca paipac ñaupapimi micushpa ubiashpaca: “¡Jatun mandac Adoniasca causacuchunlla!” nishpa caparicun.

1 REYES 1:31

Shina nicpimi, Betsabeca pambacaman cumurishpa jatun mandacpac ñaupapi cungurishpaca: —Ñuca amo jatun mandac Davidca huiñaita causacuchunlla— nirca.

2 REYES 18:26

Shina nicpimi, Hilciaspac churi Eliaquimpish, Sebnapish, Joapish chai mandactaca: —Canta servic ñucanchictaca arameo rimaipi rimai. Chai rimaitaca yachanchicmi. Ama hebreo rimaipi rimaichu, pirca jahuapi cac gentecuna uyacuncunami— nirca.

ESDRAS 4:7

Artajerjes mandacui punzhacunapipish, Bislampish, Mitridatespish, Tabeelpish, paicunapac shuctac ricsishcacunapish shuc quillcata Persia llactata jatun mandac Artajerjesman cacharcacunami. Chai quillcashcaca arameo rimaipimi carca.

NEHEMÍAS 2:3

jatun mandactaca: —Jatun mandaclla, huiñaita causangui. Ñaupa ñuca taitacunata enterrashca puebloca shitashca pamba shinami, saquirishca pueblo pungucunatapish rupachishcami. Chaimantaca ¿Ima shinatac mana llaquilla cashayari?— nircani.

ISAÍAS 36:11

Shina nicpimi, Eliaquim, Sebna, Joa runacunaca chai quipa mandactaca: —Ñucanchicca arameo rimaitaca entendinchicmi. Chaimanta canta servic ñucanchic-huanca chai rimaipi rimaiyari. Ashtahuanpish ama pirca huashapi shayacuc Judá llactapi causaccunapac rimaipi rimaichu— nirca.

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

DANIEL 1:4

Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.

DANIEL 2:7

Shina nicpimi, paicuna cutinllatac rimashpaca: —Jatun mandaclla, canta servic ñucanchicman can muscushcata huillailla, ñucanchicca chai muscui imata nisha nicushcata huillashunllami— nirca.

DANIEL 3:9

Chashnami jatun mandac Nabucodonosortaca: —¡Jatun mandaclla, canca huiñaitami causangui!

DANIEL 4:19

Shina nicpimi, Beltesasar nishca Danielca paipac yuyaipi ashata mancharishca saquirirca. Chashna cacpimi jatun mandacca: —Cai muscuimantapish, cai muscui imata nisha nicushcamantapish ama manchashpa saquirichu— nirca. Shina nicpimi Beltesasarca: —¡Ñuca mandaclla, can muscushcapish, chai muscushca imata nisha nicushcapish canta piñaccunaman cachun!

DANIEL 4:7

Chashna shamucpimi yachaccunaman, lucerota ricushpa yachacuccunaman, adivinocunaman muscushca imata nisha nicushcata huillarcani. Shina huillacpipish, paicunaca chai muscushca imata nisha nicushcataca mana huillai pudircachu.

DANIEL 4:9

“Yachaccunata mandac Beltesasarlla, canpi jucha illac dioscunapac espíritu causashcatapish, pi mana yachashcata huillac cashcatapish yachanimi. Chaimanta ñuca muscuipi shina ricushcata huillai.

DANIEL 5:10

Jatun mandacpish, pai churashca mandaccunapish rimanacucta uyashpami, mandac huarmica jatun micui ucuman yaicurca. Chaiman yaicushpaca: —¡Jatun mandaclla, canca huiñaita causangui! Ama yallita llaquirishpa ñahuipish irquiyaichu.

DANIEL 5:8

Tucui yachaccuna jatun mandacpac ñaupaman shamushpapish, chai quillcashcata mana rezai pudircachu. Chai quillcashca imata nisha nicushcatapish mana huillai pudircachu.

DANIEL 6:21

Shina nicpimi, Danielca jatun mandactaca: —¡Jatun mandaclla, huiñaitami causangui!

DANIEL 6:6

Shina nishpami, prefectocunapish, caishuc mandaccunapish jatun mandacpac ñaupapi tandanacushpaca: —¡Jatun mandac Dariolla, huiñaitami causangui!

DANIEL 6:7

Maijanpish shuctac diosta, mana cashpaca cambac randi shuctac runata alli nictaca leoncuna causana jutcupi shitashca cachun shuc mandashcata quillcachunmi, llactata tucui mandaccunapish, soldadocunata mandaccunapish, prefectocunapish yuyarishcanchic.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

1 SAMUEL 10:24

Chaimantami Samuelca israelcunataca: —Mandac Dios acllashca runataca ñami ricunguichic. ¡Tucui israelpuramantaca pai shinaca shucllapish mana tiyan!— nirca. Shina nicpimi, israelcuna cushicushpaca: —¡Jatun mandacca causachunlla!— nishpa caparircacuna.