DANIEL 12:11 - Dios Rimashcata Quillcashcami

¹¹ Punzhanta Diosman animalta cushpa rupachinata anchuchishca punzhamanta millana tucuchicta churangacamanca huaranga ishcai patsac iscun chunga punzhami tucunga.

DANIEL 12:11 Iomraidhean Croise

ÉXODO 29:38

Altar jahuapica caicunatami punzhanta cuna cangui: Shuc huatayuc ishcai ovejatami ñucaman punzhanta cungui.

EZEQUIEL 4:6

Ña chai punzhacunata pactachishca quipaca, alli ladoman siriringui. Shina siririshpaca, Judá llactapi causaccunapac juchacunata apangapacmi chuscu chunga punzhacunata siriringui. Israelcuna juchallishca cada huatamantami shuc punzhata llaquita apana cangui.

DANIEL 1:12

—Canta serviccunataca chunga punzhacaman yacullata, verdura micunallata carangui.

DANIEL 11:31

Paipac soldadocunami Diospaclla huasitapish, jatun torretapish mapayachinga. Punzhanta Diosman cushpa rupachinatapish anchuchingami. Chaipac randica millanayaipac chingachictami churanga.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

DANIEL 8:26

Chishicunapi, tutamantacunapi can muscuipi shina ricushcaca chashnatacmi canga. Chaicunaca tauca huatacuna quipami pactanga, chaimanta cambac shungupi huacaichi” nirca.

DANIEL 9:27

Shuc semanapimi achca gentecunahuan ari ninacunga. Cutin chaupi semanapimi Diosman animalta cushpa huañuchinatapish, Diosman ofrendata cunatapish anchuchinga. Chai quipaca yallita millana tucuchicmi tucurina punzhacaman llaquichingapac shamunga. Dios llaquichina nishca punzhacamanmi llaquichishpa tucuchinga” nirca.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

SAN MATEO 24:15

Dios ima nishcata huillac Daniel quillcashca shina, Diosta mañana huasipi millana tiyacuctami ricunguichic. (Caita rezacca alli entendichun).

MARCOS 13:14

Diosta mañana huasipi yallita millana tucuchic tiyacucta ricushpaca, Judea llactapi causaccunaca urcucunapi miticugrichun. (Maijanpish cai quillcashcata ricucca, alli entendinguichic).

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.

APOCALIPSIS 12:6

Chai huarmica shitashca pamba, Dios allichishcapi huaranga ishcai pasac sucta chunga punzhacaman Dios carashcata micushpa cangapacmi miticushpa rirca.

APOCALIPSIS 13:5

Chai manchana animalmanca Diosta piñashpa rimanata, shinallatac chuscu chunga ishcai quillata mandanatapish, curcami.