DANIEL 11:7 - Dios Rimashcata Quillcashcami

⁷ Shina cacpipish, chai huarmipac huahua huahuami paipac randi mandai callaringa. Paimi jahua llactata jatun mandac-huan macanacungapac paipac soldadocunahuan shamushpa, jatun torrecunaman yaicushpa, pai munashcata ruhuashpa llaquichinga.

DANIEL 11:7 Iomraidhean Croise

JOB 14:7

Yurata piticpica retoñomi llucshin. Retoñacpica ramacunaca mana illangachu.

SALMOS 109:8

Pai causana huatacunapish ashalla cachun. Pai ruhuanataca shuccuna japichun.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

ISAÍAS 11:1

Isaimantaca shuc yura retoñac shinami, shuc jatun mandac llucshinga.

ISAÍAS 9:14

Chaimantami Mandac Diosca israelcunataca animalta umata, chupata pitic shina, shuc yurata, ramacunandi pitic shina, shuc punzhallapi anchuchinga.

JEREMÍAS 12:2

Can tarpucpica, sapiyashpa huiñashpami, granota pucurca. Paicunaca shimillahuanmi cantaca alli nincuna. Ashtahuanpish shunguca canmanta carupimi.

EZEQUIEL 17:18

Ari nishcata yangapi churashcamanta, mana allicunata ruhuashcamantaca mana quishpiringuichu.

DANIEL 11:40

Ashtahuanpish tucuri punzhacunaca ura llacta jatun mandacmi paihuan macanacungapac shamunga. Chashna shamucpimi, jahua llacta jatun mandacca carretacunahuan, caballopi ric soldadocunahuan, barcocunahuan yacu jundamuc shina macanacungapac shamunga. Chashna yacu jundamuc shina shamushpami, llactacunaman yaicushpa tucuchinga.

DANIEL 11:6

Maijan huatacunata mandacushpami, alli causangapac ura llacta jatun mandacca paipac ushita jahua llactata jatun mandac huarmi cachun cushpa, ari ninacunga. Chashna ari nishpapish paipish, paipac huahua huahuacunapish mana alli causai pudingachu. Chai punzhacunapica, chai huarmitapish, paita apamuccunatapish, paipac cusatapish, paita cuidaccunatapish huañuchiccunapac maquipimi churanga.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.