DANIEL 11:27 - Dios Rimashcata Quillcashcami

²⁷ Chai ishcai jatun mandaccunapac yuyaica millaillatami ruhuanata munanga. Micuna mizallapitacmi llullashpa parlanga. Shina cacpipish, chai punzhacuna manarac chayamushcamantami chai parlanacushcaca yangalla canga.

DANIEL 11:27 Iomraidhean Croise

2 SAMUEL 13:26

Chaimantami Absalonca: —Quiquin mana risha nishpaca, ñuca huauqui Amnonllatapish cachaiyari— nirca. Shina nicpimi, jatun mandacca: —¿Imapactac Amnonta apasha ninguiyari?— nirca.

SALMOS 12:2

Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

SALMOS 52:1

Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

SALMOS 58:2

Ashtahuanpish cancunapac shungupica millaita ruhuanallatami yuyacunguichic. Cancunapac maquihuan millaita ruhuashcaca cai allpapimi jundashca.

SALMOS 62:9

Alli yuyaricpica, yangalla runapish, alli nishca runapish yangallami. Paicunata balanzapi pezacpica huaira shinallami.

SALMOS 64:6

Mana allita ruhuangapacca paicunapurami allita yuyarinacuncuna. Chashnami allita yuyarishpa, tucui shunguhuan ruhuancuna.

PROVERBIOS 12:20

Millaita yuyarishpa causaccunapac shungupica, llullana yuyaillami tiyan. Ashtahuanpish cushilla causachun cunaccunaca cushicunmi.

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

PROVERBIOS 26:23

Mana alli shunguhuan crinallata llullashpa parlashcaca cullquita yacuyachishpa mapata llucchishpa, barro mangapi saquishca shinami.

EZEQUIEL 17:9

Canca: “Mandac Diosca: ¿Chai yuraca allichu huiñanga? ¿Manachu jatun angucunata piticpica, yurapish chaquinga? Pangasapa sumac yura cashpapish anguyashpami, tucui chaquinga. Chai yurata sapindi anchuchingapacca, mana achca fuerza, mana achca gentecunachu minishtiringa.

DANIEL 10:1

Persia llactata jatun mandac Ciro quimsa huatata mandacucpimi Beltesasar nishca Danielman caicunata huillarca. Chai huillashcaca llaqui shamunamanta mana llullashpa huillashcami carca. Danielca chai huillashcata allita uyashpami, muscuipi shina ricurishca imata nisha nicushcata alli entendirca.

DANIEL 11:28

Jahua llactata jatun mandacca achca quichushcacunata apashpami, paipac llactaman cutinga. Jucha illac Dios-huan ari nishcata piñashpa cungachinatami munanga. Pai munashcata ruhuashpami, llaquichishpa paipac llactaman cutinga.

DANIEL 11:29

Pai cutina punzhapimi cutinga. Shina cutishpapish mana utcapi shina mishai pudingachu.

DANIEL 11:35

Shinallatac maijan allita yachaccunapish Dios acllashca punzha tucuringacaman mapa illac chuyayachishpa yuranlla cangapacmi huañunga. Chaipacca achca punzhacuna faltanracmi.

DANIEL 11:40

Ashtahuanpish tucuri punzhacunaca ura llacta jatun mandacmi paihuan macanacungapac shamunga. Chashna shamucpimi, jahua llacta jatun mandacca carretacunahuan, caballopi ric soldadocunahuan, barcocunahuan yacu jundamuc shina macanacungapac shamunga. Chashna yacu jundamuc shina shamushpami, llactacunaman yaicushpa tucuchinga.

DANIEL 8:17

Shina nishca quipami ñuca shayacuc cuchuman shamurca. Chaimantami ñucaca yallita mancharishpa cumurishpa urai urmarcani. Shina urmacpica paica: “Can muscuipi shina ricushcaca tucurina punzhacunatami ricuchicun. Chaimanta huañunalla runa allita entendiyari” nirca.

DANIEL 8:19

riccharishpaca: “Tucuri punzhaca chai nishca punzhapimi canga. Chaimanta Dios piñarishpa llaquichinatami huillagrini.

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

HECHOS 1:7

Chashna nicpimi Jesusca: —Chaitaca ñuca Taitallami yachan. Cancunaca ima punzha, ima hora chashna tucunataca mana yachai pudinguichicchu.

HECHOS 17:31

Diosca pai acllashca punzhapimi, tucui cai pachapi causaccunataca cashcata ruhuashpa taripanga. Chai punzhami pai acllashca runata cachanga. Gentecuna yachachunmi, paitaca huañushcacunapuramanta causachirca— nirca.

1 TESALONICENSES 5:1

Cuyashca criccuna, Apunchic Jesús ima huata, ima punzha cutimuna cashcataca, mana quillcanachu cani.