DANIEL 11:16 - Dios Rimashcata Quillcashcami

¹⁶ Paicunahuan macanacuc shamuc jatun mandacca pai munashcata ruhuashpami llaquichinga. Pipish paihuanca mana chimbapurai pudingachu. Paica sumaimana llactapimi sinchita mandashpa tucuita tucuchinga.

DANIEL 11:16 Iomraidhean Croise

ISAÍAS 8:8

Yallita mirashpami Judá llactata pasashpa chaipi causaccunataca cungacaman ucuyachinga. ¡Emanuel-lla, alasta pascac shina, shamushpami tucui cambac llactapi jundanga!

JEREMÍAS 3:19

Ñucaca: Tucui cai pachapi tiyac llactacunamanta ashtahuan sumac, tucuipac munana llactata cungapac, ¿ima shinatac cancunataca ñuca huahuacunata ruhuashayari? Ñucataca ñuca taitalla ningacunami, mana cungaringacunachu yuyarcanimi.

DANIEL 11:3

Chai quipami shuc sinchi jatun mandac mandai callarishpa, pai munashcata ruhuashpa mandanga.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

DANIEL 11:41

Chashnami sumac llactacunaman yaicushpa, tauca llactacunata japinga. Ashtahuanpish Edom, Moab, Amón llactapi causaccunallami saquiringa.

DANIEL 11:45

Mandashpa tiyana carpa huasicunataca mama cuchahuan, Diospaclla urcuhuan chaupipimi shayachinga. Shina cashpapish chaipimi paica tucuringa, paitaca pi mana ayudangachu.

DANIEL 5:19

Chashna jatun mandac cacpimi, tucui llactacunapish, jatun llactapi causaccunapish, tucui rimaita rimaccunapish paipac ñaupapica chucchuc carca. Pai maijanta huañuchisha nishpaca huañuchicmi carca. Maijanta causacta saquisha nishpaca, causacta saquicmi carca. Maijanta jatunyachisha nishpaca jatunyachicmi carca. Maijanta cumurichisha nishpaca cumurichicmi carca.

DANIEL 8:4

Chai cari ovejaca inti tigrana ladoman, jahua ladoman, ura ladoman causaccunatami gachucunahuan llaquichicurca. Chai cari ovejahuanca ima animalpish mana chimbapurai pudircachu. Chai animalpac fuerzamantaca imapish mana quishpiri pudircachu. Pai munashcata ruhuashpami, punzhanta jatunyashpa caticurca.

DANIEL 8:7

Chai cari ovejapac cuchuman chayashpami, yallita piñarishpa llaquichirca. Chashna paipac gachuhuan tacashpami, chai cari ovejapac ishcai gachucunata paquirca. Chaimantami chai cari ovejaca shayaringapacllapish mana fuerzata charirca. Shina cacpimi, pambaman urmachishpa sarunacurca. Chashna chai cari chivo llaquichicucpica, chai cari ovejataca pipish mana misarcachu.

DANIEL 8:9

Chai gachucunapuramanta shuc gachupica shuc huahua gachumi ura ladomanpish, inti llucshina ladomanpish, sumaimana allpa ladomanpish huiñarca.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.