DANIEL 10:6 - Dios Rimashcata Quillcashcami

⁶ Paipac cuerpoca topacio rumi shina, ñahuica punzha shina achicllami carca. Paipac ishcai ñahuicunaca luz japiricuc shinami carca. Cutin rigrapish, changapish llambuclla bronce shinami carca. Pai rimashcaca, achca gentecuna rimanacushca shinami uyarirca.

DANIEL 10:6 Iomraidhean Croise

ÉXODO 28:20

chuscuniqui filapica crisólito, ónice shinallatac jaspe rumicunata churangui. Tucui chaicunataca curi engastecunapi churangui.

CANTARES 5:14

Paipac maquicunaca curi sortejascunapi achic nicuc alaja rumita churashca shinami. Paipac huicsaca yuranlla marfilta zafiro rumicunahuan llutashca shinami.

EZEQUIEL 1:14

Causaita chariccunaca relampa shinami, caiman chaiman volashpa puricurca.

EZEQUIEL 1:16

Chai ruedacunaca crisólito rumi shinami carca. Tucui chai chuscu ruedacunami chashnallatac carca. Chaupi ruedapi shuc ruedata quingraiman ruhuashca shinami carca.

EZEQUIEL 1:24

Paicuna puri callaricpi, alascunaca achca yacu huaj nicuc shina, Tucuita Ruhuac rimashca shina, achca runacuna puricuc shina, soldadocuna puricuc shinami uyarirca. Paicuna shayarishpaca, uraimanmi alascunataca churarca.

EZEQUIEL 1:7

Paicunapac chaquica rectomi carca. Chaquica becipac chaqui shina, bronce jagan nicuc shinami carca.

EZEQUIEL 10:9

Chai querubincunapac cuchupica chuscu ruedacunatami ricurcani. Cada querubincunapac cuchupimi shuc rueda carca. Chai ruedacunaca crisólito rumi shina jagan nicucmi carca.

EZEQUIEL 40:3

Chaiman ñucata pushacpimi, bronce shina jagan nicuc runata ricurcani. Chai runaca linomanta ruhuashca cordeltapish, medina caspitapish maquipi apashcami pungupi shayacurca.

EZEQUIEL 8:2

Chaimantaca shuc runa shinatami ricurcani. Chaica cinturamanta uraimanca nina shinami carca. Cutin cinturamanta jahuamanca jagan nicuc bronce shinami carca.

SAN MATEO 17:2

Chaipimi Jesusca paicunapac ñaupapi shuctaclaya tucushpa, ñahuica inti shina jagan nicuc, churanaca luz shina yurac achicyachicuc ricurirca.

SAN MATEO 28:3

Chai angelca relampa shinami carca. Paipac churanaca rasu shina yuranllami carca.

SAN LUCAS 9:29

Jesús mañacushpaca, ñahuipish shuctaclaya tucushpa, churanapish jagan nicuc yuranlla ricurirca.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

APOCALIPSIS 19:12

Paipac ñahui murucunaca nina shinami jagan nicurca. Umapica tauca coronacunami carca. Paipica pipish mana entendipac shutimi carca. Chai shutitaca paillami yacharca.

APOCALIPSIS 2:18

Tiatira pueblopi cac tandanacushca criccunata ricuc angelman quillcai: “Ñahui murucunapish nina jagan nicuc shina, shinallatac chaquicunapish bronce rupashca jagan nicuc shinata charic Diospac Churica:

APOCALIPSIS 21:20

pichcaniquipica ónice, suctaniquipica cornalina, canchisniquipica crisólito, pusacniquipica berilo, iscunniquipica topacio, chunganiquipica crisopraso, chunga shucniquipica jacinto, shinallatac chunga ishcainiquipica amatista rumimi carca.