DANIEL 10:20 - Dios Rimashcata Quillcashcami

²⁰ Shina nicpimi paica: “¿Imapac cambacman shamushcata yachanguichu? Cunanca Persia llactata mandaccunahuan macanacungapac cutinami cani. Paita mishashca quipaca, Grecia llactata mandacmi macanacungapac shamunga.

DANIEL 10:20 Iomraidhean Croise

ESDRAS 4:4

Shina nicpimi, chai llacta cuchullapi causaccunaca Diospac huasita ama ruhuachun, Judá llactapi causaccunataca imacunata nishpa manchachirca.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

DANIEL 10:13

Ashtahuanpish Persia llactata jatun mandacmi ishcai chunga shuc punzhata jarcarca. Chaimantami angelcunata mandac ángel Miguel ayudangapac shamurca. Chashna ayudacpimi, Persia llactata mandaccunahuan saquirircani.

DANIEL 7:6

Ñuca ricucucllapitacmi shuctac leopardo shina animal ricurirca. Chai animalca volac animalpac chuscu alastami lomopi charirca. Shinallatac chuscu umatami charirca. Chai animalmanmi llactata mandachun curca.

DANIEL 8:21

Cari chivoca Grecia llactata jatun mandactami nisha nin. Ñahuicunapi jatun gachuca chai llactata punta jatun mandactami nisha nin.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.