DANIEL 10:16 - Dios Rimashcata Quillcashcami

¹⁶ Shina cacpipish, shuc runaman ricchami ñuca shimipi tuparirca. Chaimantami ñuca ñaupapi shayacucta rimashpaca: “Ñuca amitolla, muscuipi shina ricushcamantami yallita llaquirishpa, fuerza illac saquirircani.

DANIEL 10:16 Iomraidhean Croise

ÉXODO 4:10

Chaimantami Moisesca Mandac Diostaca: —Ñucata Mandac Dioslla, ñucaca alli rimacca jaicapi mana cashcanichu, cunanpish mana alli rimacchu cani. Ñucaca callu huataricunillami— nirca.

ÉXODO 4:13

Chaimantami Moisesca: —¡Ñucata Mandac Dioslla, ñucapac randica shucta cachai!— nirca.

ECLESIASTÉS 1:18

Chaica, yallita yachac cacpica, uma nanaimi shamun. Maijanpish ashtahuan yachacushpaca, llaquitami mirachin.

ISAÍAS 6:7

Chashna ñuca shimipi tupachishpaca: —Riqui, cambac shimica cai ninapi tuparishcami. Cunanca cambac juchata perdonashpa anchuchishcami— nirca.

JEREMÍAS 1:9

Shinami Mandac Diosca paipac maquita ñuca shimipi tupachishpaca: «Riqui, ñuca rimashcacunatami cambac shimipi churani.

EZEQUIEL 1:26

Chai pamba jahuapica, zafiro rumimanta ruhuashca mandangapac tiyarina tiyacuctami ricurcani. Chai tiyarinapica genteman ricchami tiyacurca.

EZEQUIEL 3:27

Ashtahuanpish cambac shimica ñuca rimacpimi rimanga. Chaipimi canca: “Mandac Diosca: Maijanpish uyasha niccunaca uyachun, mana uyasha niccuna ama uyachun. Paicunaca mana cazuccunami” ninmi ningui.

EZEQUIEL 33:22

Miticushpa shamuc runa tutamanta ñucapacman manarac chayamucpimi, Mandac Diosca shuc chishipi ñucata rimachirca. Shina rimachicpimi, ña mana upalla carcani.

DANIEL 12:8

Shina nicta uyashpapish, chai nishcata cunan entendishpami paitaca: “Ñuca amolla, ¿ima horastac chaica pactangayari?” nishpa tapurcani.

DANIEL 4:19

Shina nicpimi, Beltesasar nishca Danielca paipac yuyaipi ashata mancharishca saquirirca. Chashna cacpimi jatun mandacca: —Cai muscuimantapish, cai muscui imata nisha nicushcamantapish ama manchashpa saquirichu— nirca. Shina nicpimi Beltesasarca: —¡Ñuca mandaclla, can muscushcapish, chai muscushca imata nisha nicushcapish canta piñaccunaman cachun!

DANIEL 7:15

Daniel ñucaca yallitami mancharircani. Chai muscuipi shina ricurishcamantaca yallitami llaquirircani.

DANIEL 7:28

Chai ricushcacunaca caipimi tucurin. Daniel ñucaca yuyaipi yallita llaquirishpami, ñahuipish shuctaclaya tucurcani. Shina cashpapish tucui chaicunataca ñuca shungupimi huacachigrini» nirca.

DANIEL 8:15

Daniel ñuca tucui chaicunata muscuipi shina ricushcata entendinata yuyacucpimi, ñucapac ñaupapi shuc runalaya shayacuc ñapish ricurirca.

DANIEL 8:17

Shina nishca quipami ñuca shayacuc cuchuman shamurca. Chaimantami ñucaca yallita mancharishpa cumurishpa urai urmarcani. Shina urmacpica paica: “Can muscuipi shina ricushcaca tucurina punzhacunatami ricuchicun. Chaimanta huañunalla runa allita entendiyari” nirca.

DANIEL 8:18

Pai ñucahuan parlacucllapitacmi pambapi urai urmashpa sueñushpa saquirishcarcani. Shina cacpimi, pai tuparishpa,

DANIEL 8:27

Daniel ñucaca yallita irquiyashpami, maijan punzhacunata ungushca carcani. Ña alliyashpaca jatun mandacpac ima ruhuaicunatami ruhuashpa catircani. Ñuca muscuipi shina ricurishcata yuyarishpa manchaihuanmi carcani, pi chaimanta huillacca mana tiyarcachu.

DANIEL 9:21

Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.

SAN LUCAS 1:64

Chai ratomi callu huatarishca cachariricpi, Zacariasca Diosta: «allimari cangui» nirca.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SAN JUAN 20:28

Chashna nicpimi Tomasca: —¡Ñucata Mandac Apunchic Jesuslla, ñuca Dioslla!— nirca.

JOSUÉ 5:14

Shina tapucpi chai runaca: —Mana, ashtahuanpish Mandac Diospac soldadocunata mandacmi cani— nirca. Shina nicpi, Josueca pambacaman cumurishpa, allimari cangui nishpaca: —Ñucata mandaclla canta servictaca, ¿imatatac ruhuachun ninguiyari?— nirca.

APOCALIPSIS 1:13

Chai canchis candelerocunapac chaupipica, Runa Tucungapac shamushcaman ricchatami ricurcani. Paica chaqui pambacaman churanata churashca, shinallatac curimanta ruhuashca chumbita pechopi churashcami carca.

JUECES 13:8

Chaimanta Manoa Mandac Diosta mañashpaca: «Ñuca Mandaclla, sarun cachashca cambac runata, chai huacharigricuc ñucanchic huahuata ima shina huiñachinata huillachun cutin cachaiyari» nirca.

JUECES 6:13

Shina nicpimi Gedeonca: —¡Ñuca amolla! Mandac Dios ñucanchic-huan cacpica, ¿imamantatac cashna tucunchicyari? ¿Ñucanchic ñaupa taitacuna: “Mandac Diosmi Egiptomanta llucchimurca” nishpa, cai tucui sumacta parlashcaca maipitacyari? Cunanca madianitacunapac maquipimari ñucanchictaca jichushca— nirca.

JUECES 6:15

Shina nicpimi Gedeonca: —Ñuca amitolla, ¿ñucaca ima shinatac israelcunataca quishpichishayari? Ñucaca Manasespac aillupurapica ashalla familiami cani. Chaipac jahuapica ñuca huasi ucupuramantaca ñucami tucuimanta yalli uchilla shina cani— nirca.