DANIEL 10:13 - Dios Rimashcata Quillcashcami

¹³ Ashtahuanpish Persia llactata jatun mandacmi ishcai chunga shuc punzhata jarcarca. Chaimantami angelcunata mandac ángel Miguel ayudangapac shamurca. Chashna ayudacpimi, Persia llactata mandaccunahuan saquirircani.

DANIEL 10:13 Iomraidhean Croise

ESDRAS 4:24

Chaimantami Diospac huasita Jerusalenpi shayachinaca jarcarirca. Persia llactata jatun mandac Darío ishcai huatata mandangacamanmi chaipi saquirirca.

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

COLOSENSES 2:10

Jesucristollamantami, Diospac tucui sumaccunataca charinguichic. Paica poderta charic mandac espiritucunata mandacmi.

1 TESALONICENSES 2:18

Ricuc shamushun nishpapish mana pudircanchicchu. Ñucaca tauca cutinmi ricuc shamusha nircani. Shina cacpipish Satanasca jarcarcami.

1 PEDRO 3:22

Jesucristomi jahua pachaman rishpa, Diospac alli maquiman tiyacun. Paimi angelcunatapish, poderta charic mandac espiritucunatapish mandacun.

SAN JUDAS 1:9

Angelcunata jatun mandac ángel Miguelpish, diablohuan Moisespac huañushca cuerpota quichunacushpa piñanacushpapish, diablotaca mana millaita rimarcachu, ashtahuanpish “Diosllatac llaquichichun” nircami.

APOCALIPSIS 12:7

Chai quipaca shuc macanacuimi jahua pachapi tiyarca. Chaipica mandac ángel Miguelmi paipac angelcunata tandachishpa dragonhuan macanacurca. Shinallatac dragonpish paipac angelcunata tandachishpami macanacurca.