DANIEL 10:1 - Dios Rimashcata Quillcashcami

¹ Persia llactata jatun mandac Ciro quimsa huatata mandacucpimi Beltesasar nishca Danielman caicunata huillarca. Chai huillashcaca llaqui shamunamanta mana llullashpa huillashcami carca. Danielca chai huillashcata allita uyashpami, muscuipi shina ricurishca imata nisha nicushcata alli entendirca.

DANIEL 10:1 Iomraidhean Croise

GÉNESIS 41:32

Diosca ruhuagricushpatacmi can Faraonman ishcai cutin muscuchishca, chaitaca utcami ruhuanga.

2 CRÓNICAS 36:22

Persia llactata jatun mandac Ciro ña shuc huatata mandacucpimi, Mandac Diosca Jeremiasman huillachishca pactachun, Mandac Diosllatac Persia llactata jatun mandac Ciroman yuyaita cushpa, pai mandacuc tucui llactacunapica shimillahuanpish, quillcacunahuanpish cashna huillachun mandarca:

ESDRAS 3:7

Huasita ruhuaccunamanpish, carpinterocunamanpish cullquita curcacunami. Shinallatac Sidón, Tiro pueblocunapi causaccunamanpish Persia llactata jatun mandac Ciro munashca shinallatacmi Líbano urcumanta cedro caspicunata mama cuchata huambuchishpa, Jope puebloman apamuchun micunata, ubianata, aceiteta curcacuna.

ESDRAS 4:3

Shina nicpimi, Zorobabelpish, Jesuapish, ñaupa taitacunapac huasi ucupura israelcunata mandaccunapish rimashpaca: —Ñucanchic Diospac huasitaca mana cancunahuan shayachisha ninchicchu. Ashtahuanpish Persia llactata jatun mandac Ciro mandashca shinami, israelcunata Mandac Diospac huasitaca ñucanchiclla shayachina canchic— nirca.

ESDRAS 4:5

Chashna ruhuashca jahuapish huasita tucuchingapac yuyarishcata saquichunmi yuyaita cushpa ayudaccunaman pacalla cullquita curca. Chashnami Persia llactata jatun mandac Ciro mandacui tucui huatacunapi Persia llactata jatun mandac Darío mandai callaringacaman chashna ruhuarca.

ESDRAS 6:14

Cutin Judá llactapi causaccunata mandaccunaca Dios ima nishcata huillac Hageopish, Iddopac churi Zacariaspish, huillashca shinallatacmi chai huasita shayachishpa, tucui alli ruhuarcacuna. Chashnami israelcunapac Dios, shinallatac Persia llactata jatun mandac Ciro, Darío, Persia Artajerjes mandashca shinallatac chai huasita shayachirca.

ESDRAS 6:3

«Jatun mandac Ciro Babilonia llactata mandai callari huatami jatun mandac Ciro Jerusalenpi causac Diospac huasita cutin shayachichun mandan. Chai mandashcapica: Callari rumita churashpa pircata ruhuashpa Diospac huasita cutin shayachichic. Chai huasipimi animalcunata Diosman cushpa huañuchina canga. Altomanca ishcai chunga canchis metro, anchomanpish ishcai chunga canchis metromi canga.

ISAÍAS 44:28

Ñucami mandac Cirotaca: “Canmi ñuca ovejacunata michingui. Ñuca tucui imata ruhuachun nishcatami ruhuangui. Jerusalenta cutin allichi nicpi, ñuca huasitapish shayachi” nicpica, chashnami ruhuangui» ninimi.

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

DANIEL 1:21

Danielca jatun mandac Ciro callari huatata mandangacamanmi servishpa causarca.

DANIEL 1:7

Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.

DANIEL 10:14

Chai muscuipi shina ricushcaca shamuc punzhacunapimi tucunga. Chaimantami tucuri punzhacunapi cambac llacta gentecuna ima tucunata huillac shamuni” nirca.

DANIEL 11:2

Cunanca, ñucaca chashnatac cashcatami huillagrini. Persia llactapica ashtahuan quimsa jatun mandaccuna mandangaracmi. Cutin chuscuniqui jatun mandacca paicunata yalli chayucmi canga. Paica chashna chayuc cashcamanta sinchi cashpami, Grecia llactata jatun mandac-huan macanacungapac tucuita jatarichinga.

DANIEL 12:4

Shina cacpipish, Daniel-lla, canca cai rimashcata quillcashca librotaca tucuri punzhacaman sellashpa churai. Achcacunami allita yachanata mashcashpa caiman chaiman callpanga.

DANIEL 12:9

Shina nicpimi paica: “Daniel, cunanca rilla, cai nishcacunaca tucuri punzhacamanmi sellashpa churashca can.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

DANIEL 4:8

Shuc punzhami Daniel ñuca ñaupaman shamurca. Paica ñuca diospac Beltesasar shutimi. Paipica jucha illac dioscunapac espiritumi causan. Paiman ñuca muscushcata huillashpaca:

DANIEL 5:12

Chai runaca Danielmi. Paitami jatun mandacca tucuita alli yachac, allita yachacushca, allita entendic cashcamanta muscushca imata nisha nicushcatapish huillac cashcata, pipish mana yachashcata huillac cashcata ricurca. Paitami Beltesasarta shutichirca. ¡Chashna cashcamantaca Danielta cayaichic! Pai chai quillcashca imata nisha nicushcata huillachun— nirca.

DANIEL 5:17

Shina nicpimi, jatun mandactaca: —Cambac carashcaca canllamanta cachun. Shina cacpipish, ñucaca chai quillcata rezashami. Shinallatac chai quillcashca imata nisha nicushcatapish huillashami.

DANIEL 6:28

Danielca jatun mandac Darío mandacui punzhacunapipish, Persia llactamanta Ciro mandacui punzhacunapipish alli ricsishcami carca.

DANIEL 8:16

Chai quipaca Ulai yacu chaupipi shuc runa caparishpaca: “¡Gabriel chai muscuipi shina ricurishca imata nisha nicushcata huillai!” nirca.

DANIEL 8:26

Chishicunapi, tutamantacunapi can muscuipi shina ricushcaca chashnatacmi canga. Chaicunaca tauca huatacuna quipami pactanga, chaimanta cambac shungupi huacaichi” nirca.

SAN LUCAS 1:20

Ñuca huillashcaca pactana punzhami pactanga. Ashtahuanpish canca ñuca huillashcata mana crishcamantaca, cambac huahua huacharingacamanmi upayashpa, imata mana rimai pudingui— nirca.

APOCALIPSIS 19:9

Chai angelca ñucataca: «Caita quillcai: “Pactalla Ovejapac bodaman cayashcacunaca mai cushicuimi cancuna” ni. Cai rimashca shimicunaca mana llullachu, ashtahuanpish Dios rimashcami» nirca.