DANIEL 1:7 - Dios Rimashcata Quillcashcami

⁷ Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.

DANIEL 1:7 Iomraidhean Croise

GÉNESIS 41:45

Chashna nishpaca Faraonca Josetaca Zafnat-paneatami shutichirca. Shinallatac On llactapi causac Potifera curapac ushi Asenathuanmi cazarachirca. Chaimantami Joseca tucui Egipto llactata mandac tucurca.

2 REYES 23:34

Chashna ruhuashpami, Egipto llactata jatun mandac Necaoca Eliaquimta paipac taita Josiaspac randi jatun mandac cachun churarca. Eliaquimtaca Joacimtami shutichirca. Joacaztaca Egiptomanmi prezu aparca. Chaipimi paica huañurca.

2 REYES 24:17

Chai quipaca Babilonia llactata jatun mandacca Joaquinpac tio Mataniastami Joaquinpac randi jatun mandac cachun churarca. Mataniastaca Sedequiastami shutichirca.

DANIEL 1:19

Jatun mandac chai tucui mosocunahuan parlashpaca, Daniel, Ananías, Misael, Azarías shina cacta mana tarircachu. Chashnami paicunaca jatun mandacpac ñaupapi servicurca.

DANIEL 1:3

Jatun mandac Nabucodonosormi paipac huasipi serviccunata mandac Aspenazta israelcunapuramanta alli nishca jatun mandacpac churicunata pushamuchun cacharca.

DANIEL 10:1

Persia llactata jatun mandac Ciro quimsa huatata mandacucpimi Beltesasar nishca Danielman caicunata huillarca. Chai huillashcaca llaqui shamunamanta mana llullashpa huillashcami carca. Danielca chai huillashcata allita uyashpami, muscuipi shina ricurishca imata nisha nicushcata alli entendirca.

DANIEL 2:26

Shina nicpimi, jatun mandacca Beltesasar nishca Danieltaca: —¿Canca ñuca muscushcatapish, chai muscushca imata nisha nicushcatapish huillai pudinguichu?— nirca.

DANIEL 2:49

Danielca jatun mandacmanca Sadracta, Misacta, Abed-negota, Babilonia llactata mandacta ayudachun churachunmi mañarca. Cutin Danielca jatun mandac tiyanapimi saquirirca.

DANIEL 4:5

Chashna cashpami shuc tuta shuc muscuita muscushpa yallita mancharircani. Muscuipi shina ricurishcaca ñuca yuyaipica yallitami muspachirca.

DANIEL 4:8

Shuc punzhami Daniel ñuca ñaupaman shamurca. Paica ñuca diospac Beltesasar shutimi. Paipica jucha illac dioscunapac espiritumi causan. Paiman ñuca muscushcata huillashpaca:

DANIEL 5:12

Chai runaca Danielmi. Paitami jatun mandacca tucuita alli yachac, allita yachacushca, allita entendic cashcamanta muscushca imata nisha nicushcatapish huillac cashcata, pipish mana yachashcata huillac cashcata ricurca. Paitami Beltesasarta shutichirca. ¡Chashna cashcamantaca Danielta cayaichic! Pai chai quillcashca imata nisha nicushcata huillachun— nirca.