DANIEL 1:4 - Dios Rimashcata Quillcashcami

⁴ Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.

DANIEL 1:4 Iomraidhean Croise

GÉNESIS 41:46

José Egipto llactata jatun mandac Faraonta servinata callarishpaca, quimsa chunga huatatami charirca. Mandac Faraonpac ñaupamanta José rishpaca, tucui Egipto allpacunatami ricushpa purirca.

2 SAMUEL 14:25

Absalón shina tucuipac alli nishca runaca tucui Israel llactapica shucllapish mana tiyarcachu. Paica chaquimanta umacaman sumac runami carca.

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

ECLESIASTÉS 7:19

Alli yachac runataca pai yachacushcami, shuc pueblopi causac chunga mandaccunatapish yalli sinchiyachinga.

ISAÍAS 36:11

Shina nicpimi, Eliaquim, Sebna, Joa runacunaca chai quipa mandactaca: —Ñucanchicca arameo rimaitaca entendinchicmi. Chaimanta canta servic ñucanchic-huanca chai rimaipi rimaiyari. Ashtahuanpish ama pirca huashapi shayacuc Judá llactapi causaccunapac rimaipi rimaichu— nirca.

JEREMÍAS 5:15

Israelcunalla, cancunata llaquichichunca caru llactamantami ñaupa pachamanta causac, sinchi runacunata apamugrini. Paicunaca mana ricsishca rimaitami rimancuna. Paicuna rimashcataca mana entendinguichicchu.

DANIEL 2:10

Shina nicpimi, paicunaca jatun mandacpac ñaupapi rimashpaca: —Pi jatun mandacpish, pi sinchi jatun mandacpish can tapushca shina, yachaccunaman, lucerota ricushpa yachacuccunaman, caldeocunaman mana tapushcachu.

DANIEL 2:2

Chaimantami jatun mandacca chai muscushcata tapungapac yachaccunata, lucerota ricushpa yachacuccunata, brujocunata, caldeocunata cayachun cacharca. Chashna cayacpimi, jatun mandacpac ñaupaman shamurca.

DANIEL 3:8

Chai punzhallatacmi adivinocunapuramanta maijan jatun mandacpacman shamushpa, Judá gentecunapac contra huillarca.

DANIEL 4:7

Chashna shamucpimi yachaccunaman, lucerota ricushpa yachacuccunaman, adivinocunaman muscushca imata nisha nicushcata huillarcani. Shina huillacpipish, paicunaca chai muscushca imata nisha nicushcataca mana huillai pudircachu.

DANIEL 5:11

Can mandacuc llactapimi shuc runa jucha illac diospac espirituyuc tiyan. Paimi cambac taita causacui punzhapica luz shina achicyachicpish, dioscuna shina allita yachacpish carca. Paitami cambac taita jatun mandac Nabucodonosorca lucerota ricushpa yachaccunata, caldeocunata, adivinocunata mandachun churarca.

DANIEL 5:7

Chaimantami jatun mandacca brujocunata, caldeocunata, adivinocunata apamuchun sinchita caparirca. Chaimantami jatun mandacca Babilonia llactapi causac chai yachaccunataca: —Maijanpish cai pircapi quillcashcata rezashpa, imata nisha nicushcata huillacmanca morado churanatami churachisha. Cutin cungapica curi huallcatami churachisha. Paimi quimsaniqui mandac canga— nirca.

DANIEL 9:1

Media llactamanta Asueropac churi Darío caldeo llactata shuc huatata mandacucpimi,

ZACARÍAS 2:4

Shina shamushpami ñucahuan parlashpa ric angeltaca: «Callpa rishpa chai mosota: “Jerusalenpi achca gentecuna, achca animalcuna tiyashcamantami muyundi pirca illac canga.

HECHOS 7:20

Chai punzhacunapimi Moisesca huacharirca. Paica Diospac alli nishcami carca. Quimsa quillatami paipac taita mamaca huasipi pacashpa charirca.

HECHOS 7:22

Shinami Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish alli yachac carca.

EFESIOS 5:27

Tandanacushca criccunaca paipac ñaupapi chuyanlla, ima mana alli ruhuashcacunapish illac, llambuclla sumaimana ricurichunmi, chashnaca ruhuarca.

JUECES 8:18

Chai quipaca Zebatapish, Zalmunatapish tapushpaca: —¿Cancuna Tabor urcupi, huañuchishca runacunaca, imalayatac carca?— nirca. Shina tapucpi paicunaca: —Paicunaca can shinami carca. Shinallatac tucui paicunami jatun mandacpac churicuna shina carca— nirca.