DANIEL 1:2 - Dios Rimashcata Quillcashcami

² Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

DANIEL 1:2 Iomraidhean Croise

GÉNESIS 10:10

Callaripica Nimrodca Sinar llacta Babel, Erec, Acad, Calne llactacunatami mandacurca.

GÉNESIS 11:2

Inti llucshina llactamanta llucshishpaca, Sinar llactapimi shuc jatun pambata tarishpa, chaipi causai callarirca.

2 REYES 24:1

Joacim mandacui punzhacunami Babilonia llactata jatun mandac Nabucodonosorca macanacungapac shamurca. Macanacushpa aticpimi, Joacimca quimsa huatata Nabucodonosorta servishpa causarca. Chai quipaca mana paita cazushpami, cariyarca.

2 CRÓNICAS 36:5

Joacimca ishcai chunga pichca huatata charishpami mandai callarirca. Paica chunga shuc huatatami Jerusalenpi mandarca. Paita Mandac Diospac ñaupapica mana allitami ruhuarca.

2 CRÓNICAS 36:7

Babilonia llactata jatun mandac Nabucodonosorca Mandac Diospac huasipi imalla tiyashcacunatapish apashpami Babiloniapi paipac diospac huasipi churarca.

ESDRAS 1:7

Shinallatac jatun mandac Ciropish Nabuconodosor Jerusalenpi cac Mandac Diospac huasimanta aparishcacunatapish cutichircami. Chaicunataca paicunapac dioscunapac ñaupapimi charicurca.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 42:24

Jacobopac huahuacunataca, ¿pitac prezuchircayari? ¿Pitac israelcunataca shuhuaccunapac maquipi churarcayari? ¿Manachu Mandac Dios ñucanchic mana cazushcamanta llaquichicun? Pai mandashcacunata mana cazushpami, pai munashca shina mana causarca.

JEREMÍAS 25:1

Judá llactata Josiaspac churi Joacim chuscu huatata mandacucpimi, Mandac Diosca Judá llactapi causaccunamanta Jeremiasman huillarca. Chai huatapimi jatun mandac Nabucodonosorca Babilonia llactata mandai callarirca.

JEREMÍAS 27:16

Curacunamanpish, tucui gentecunamanpish huillashpaca: «Mandac Diosca: Chai huillaccunataca ama uyanguichicchu. Paicunaca: “Diospac huasipi ima charishcacunataca ñami Babilonia llactamanta cutichimunga” nishpami, llullashpa huillan.

JEREMÍAS 28:3

Ishcai huata quipami ñuca huasipi ima tiyashcacunata Babilonia llactata jatun mandac Nabucodonosor Babilonia llactaman apashcacunataca caiman cutichimusha.

JEREMÍAS 35:11

Shina cashpapish, Babilonia llactata jatun mandac Nabucodonosor cai llactata llaquichingapac shamucpimi ñucanchicca: “Chai caldeo soldadocunamanta, Siria llacta soldadocunamanta Jerusalenpi miticungapac shamuichic” ningapacmi shamurcanchic. Shina shamushpami Jerusalenpi causacunchic» ninacurca.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

DANIEL 5:13

Shina nicpimi, Danieltaca jatun mandacpac ñaupaman pushamurca. Chashna pushamucpimi, jatun mandacca Danieltaca: —¿Canchu ñuca taita jatun mandac Judá llactamanta prezu apamushca Daniel cangui?

DANIEL 5:18

Jatun mandaclla, cambac taita Nabucodonosormanca jahua pacha Diosmi sinchi mandac cachunpish, tucuipac alli nishca cachunpish curca.

HABACUC 1:16

Chaimantami paicunapac linchiman animaltapish, inciensotapish rupachinga. Chai linchihuanmi ima charinacunata yallita mirachirca. Shinallatac sumac micunatami micurca.

ZACARÍAS 5:11

Shina tapucpimi angelca: —Chaitaca Sinar llactaman apashpami, Diosta yuyarina huasita ruhuanga. Chai huasita ña tucuchishca cacpimi, cajonta churana pushtupimi churanga— nirca.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

JUECES 2:14

Chaimantami Mandac Diosca nina japiric shina piñarishpa israelcunataca imatapish shuhuashpa puriccunapac maquipi churarca. Shinallatac chai muyundipi causac paicunata piñac gentecunapac maquipi churacpimi, israelcunaca paicunataca mana ati pudirca.

JUECES 3:8

Chaimantami Mandac Diosca nina japiric shina piñarishpa, israelcunataca Mesopotamia llactata mandac Cusan-risataimpac maquipi churarca. Chaipimi paicunaca pusac huatata servirca.

JUECES 4:2

Chaimantami Mandac Diosca Canaán llactata jatun mandac Jabinpac maquipi churarca. Paica Hazor pueblopimi mandacurca. Paipac macanacuc runacunata mandacca Sisarami carca. Paica Haroset-goim pueblopimi causarca.

1 SAMUEL 5:2

Diospac Arcata filisteocuna quichushpaca Dagón diospac huasi ucuman apashpami Dagón diospac ladopi churarca.