DANIEL 1:19 - Dios Rimashcata Quillcashcami

¹⁹ Jatun mandac chai tucui mosocunahuan parlashpaca, Daniel, Ananías, Misael, Azarías shina cacta mana tarircachu. Chashnami paicunaca jatun mandacpac ñaupapi servicurca.

DANIEL 1:19 Iomraidhean Croise

GÉNESIS 41:46

José Egipto llactata jatun mandac Faraonta servinata callarishpaca, quimsa chunga huatatami charirca. Mandac Faraonpac ñaupamanta José rishpaca, tucui Egipto allpacunatami ricushpa purirca.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

JEREMÍAS 15:19

Shina nicpimi, Mandac Diosca: «Can ñucapacman cutiricpica, cutinmi cantaca alliyachisha. Shina ruhuacpica, ñuca ñaupapimi ñucata servishpa causangui. Imapacpish mana vali parlocunata saquishpa, alli rimaicunallata parlashpaca, ñuca rimashcatami cutin huillangui. Canca ama paicunapacman cutirichu. Ashtahuanpish paicunami cambacman cutiringa.

DANIEL 1:18

Chai mosocunata jatun mandacpac ñaupaman pushamuchun nishca punzhami pactarca. Chaimantami mandana huasipi serviccunata mandacca Nabucodonosorpac ñaupaman chai mosocunata pushamurca.

DANIEL 1:4

Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.

DANIEL 1:5

Jatun mandacca punzhantami paipac micunata, pai ubiana vinota paicunaman carachun cacharca. Shinallatac quimsa huatata yachacushpa paita servichunmi mandarca.

DANIEL 1:6

Chai mosocunapurapica Judá aillupuramanta Daniel, Ananías, Azariasmi carca.

DANIEL 1:7

Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.

DANIEL 2:13

Yachaccuna huañuchichunmi shuc mandashcata quillcarca. Shinallatac Danieltapish, paihuan caccunatapish huañuchingapac mashcarcami.

DANIEL 3:29

Chaimantami ñucaca: ‘Llactapi causaccunapish, ima rimaita rimaccunapish Sadracpac, Misacpac Abed-negopac Diosta piñashpa rimacca pitinacushca canga. Paipac huasipish tucuchishcami canga. Cashna quishpichic Dios shinaca mana shuctac dios tiyanchu’ nishpami mandani» nirca.