DANIEL 1:1 - Dios Rimashcata Quillcashcami

¹ Judá llactata jatun mandac Joacim quimsa huatata mandacucpimi, Babilonia llactata jatun mandac Nabucodonosorca Jerusalenman paipac soldadocunahuan shamushpa muyundita shayarirca.

DANIEL 1:1 Iomraidhean Croise

2 REYES 23:36

Joacimca ishcai chunga pichca huatata charishpami mandai callarirca. Paica chunga shuc huatatami Jerusalenpi mandarca. Paipac mamaca Ruma pueblomanta Pedaiaspac ushi Zebudami carca.

2 REYES 24:13

Chai quipami Nabucodonosorca Mandac Diospac huasipi, mandana huasipi tucui alli huacaichishcacunata llucchirca. Chai curimanta ruhuashca charinacunataca tucuimi ñutuchirca. Chai charinacunataca Israel llactata jatun mandac Salomonmi Mandac Dios nishca shinallatac Mandac Diospac huasipi charingapac ruhuachishca carca.

ISAÍAS 39:7

Cambac maijan churicunataca Babilonia llactata jatun mandac mandana huasipimi eunuco tucushpa causachunmi apanga” ninmi— nirca.

JEREMÍAS 25:1

Judá llactata Josiaspac churi Joacim chuscu huatata mandacucpimi, Mandac Diosca Judá llactapi causaccunamanta Jeremiasman huillarca. Chai huatapimi jatun mandac Nabucodonosorca Babilonia llactata mandai callarirca.

JEREMÍAS 35:1

Josiaspac churi jatun mandac Joacim Judá llactata mandacui punzhacunapi Mandac Dios Jeremiasta rimashpaca:

JEREMÍAS 35:11

Shina cashpapish, Babilonia llactata jatun mandac Nabucodonosor cai llactata llaquichingapac shamucpimi ñucanchicca: “Chai caldeo soldadocunamanta, Siria llacta soldadocunamanta Jerusalenpi miticungapac shamuichic” ningapacmi shamurcanchic. Shina shamushpami Jerusalenpi causacunchic» ninacurca.

JEREMÍAS 36:1

Josiaspac churi jatun mandac Joacim Judá llactata chuscu huatata mandacucpi, Mandac Dios Jeremiasta rimashpaca:

JEREMÍAS 45:1

Josiaspac churi jatun mandac Joacim Judá llactata chuscu huatata mandacucpimi, Dios ima nishcata huillac Jeremiasca Neriaspac churi Barucman Dios huillachun nishcata shuc carapi quillcachirca. Chai quillcapica:

JEREMÍAS 50:1

Caldeocuna causana Babilonia llacta llaqui tucunamanta Mandac Dios huillac Jeremiasman huillachishpaca:

JEREMÍAS 52:12

Jatun mandac Nabucodonosorca Babilonia llactata chunga iscun huata, pichca quilla, chunga punzhata mandacushpami paipac ñaupapi servishpa causac soldadocunapac mandac Nabuzaradanhuan Jerusalenman rirca.

JEREMÍAS 52:28

Nabucodonosor canchis huatapi Judá llactamanta prezu apashcacunaca quimsa huaranga ishcai chunga quimsa gentecunami carca.

DANIEL 5:13

Shina nicpimi, Danieltaca jatun mandacpac ñaupaman pushamurca. Chashna pushamucpimi, jatun mandacca Danieltaca: —¿Canchu ñuca taita jatun mandac Judá llactamanta prezu apamushca Daniel cangui?