CANTARES 8:11 - Dios Rimashcata Quillcashcami

¹¹ Salomonca Baal-hamón llactapimi uvas chagrata charirca. Chai chagratami cuidaccunaman cuidachun curca. Tucui paicunami huaranga cullquita apamuccuna carca.

CANTARES 8:11 Iomraidhean Croise

GÉNESIS 20:16

Shinallatac Sarataca: —Riqui, cambac turimanca huaranga cullquitami curcani. Chai cullquimi canhuan cac tucui gentecunapac ñaupapi yuranlla paño shina, chuya cashcata ricuchinga. Chaimantami cantaca pi mana juchanchinga— nirca.

ECLESIASTÉS 2:4

Ñucaca jatun ruhuaicunatami ruhuachircani. Huasicunatapish shayachircani. Uvas chagracunatapish tarpurcani.

CANTARES 1:6

Yana cashcamanta ama ricuracuichicchu. Ñucataca intimi yanayachirca. Ñuca mamapac huahuacunami ñucata piñashpa, uvas chagrata cuidachun churarca. Chaimantami ñucapac uvas chagrataca mana cuidarcani.

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

CANTARES 7:12

Tutamanta utca jatarishpa uvas chagraman rishun. Uvaspish ña sisashcata, ña sisa butushcata, granadacuna pucushcata jacu ricumushun. ¡Chaipimi ñuca cuyaitaca canman cusha!

CANTARES 8:12

Ñuca uvas chagrataca ñucallatacmi cuidacuni. Salomonlla, huaranga cullquica cambac cachun. Ishcai patsac cullquica uvas pucushcata cuidaccunapac cachun.

ISAÍAS 7:23

Chai huatapica chunga shuc kilo yalli pezac cullqui valic huaranga uvas yuracunata tarpuna pambapica cashacuna, cardos yuracunami huiñanga.

MARCOS 12:1

Jesús chimbapurashca parlocunahuan yachachishpaca: «Shuc runami uvas chagrata tarpushpa, muyundita pircarca. Chai chagrallapitacmi uvasta cutanatapish, chagrata cuidana torretapish ruhuarca. Chai quipaca shuc trabajac runamanmi partir cushpa caru llactaman rirca.