CANTARES 7:8 - Dios Rimashcata Quillcashcami

⁸ Ñucaca: «Palmeraman huichicushpa, chaipi pucushca granocunapi japirisha» nishpami yuyarcani. ¡Cambac chuchucunaca uvas racimo shina, cutin cambac shimica manzana shina mishquilla ashnacuc cachun!

CANTARES 7:8 Iomraidhean Croise

CANTARES 1:3

Cambac shutica mishquilla ashnacucta tallishca shinami. Chaimantami carihuan manarac chayarishca solteracunaca cuyan.

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

CANTARES 2:5

Paita cuyashcamanta ungushcami cani. Chaimanta pasasta caraichicyari, manzanata carashpa cushichichicyari,

CANTARES 4:16

¡Aquilón huaira jatariyari! ¡Austro huaira shamuiyari! ¡Ñuca huertata pucuiyari! ¡Mishquilla ashnacucta shic-huaiyari! ¡Ñuca cuyashcaca paipac huertamanmi shamucun! ¡Mishquilla frutacunata micuchun!

CANTARES 7:7

Cambac cuerpoca palmera yura shinami. Cambac chuchucunaca chai yurapac racimocuna shinami.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

JOEL 1:12

Uvas chagrapish, higo yuracunapish chaquishpa chingaricunmi. Granadilla, palmera, manzana yuracunapish tucuimi chaquicun. Sacha yuracunapish tucuimi chaquicun. Chaimantami huañuclla runacunapac cushicuipish chingaricun.

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.