CANTARES 6:2 - Dios Rimashcata Quillcashcami

² Ñuca cuyashcaca paipac huertamanmi rirca. Mishquilla ashnacuc huertaman, paipac huertapi michingapac, Lirio sisacunata tandangapacmi rirca.

CANTARES 6:2 Iomraidhean Croise

CANTARES 2:16

Ñuca cuyashcaca ñucapacmi, ñucaca paipacmi cani. Paica lirio sisa chaupipimi michicun.

CANTARES 4:12

Ñuca panilla, ñuca cuyashca huarmilla, muyundita jarcashca huerta shinami cangui. Tapashca yacu jundu shina, unanchishca yacu jundu shinami cangui.

CANTARES 4:16

¡Aquilón huaira jatariyari! ¡Austro huaira shamuiyari! ¡Ñuca huertata pucuiyari! ¡Mishquilla ashnacucta shic-huaiyari! ¡Ñuca cuyashcaca paipac huertamanmi shamucun! ¡Mishquilla frutacunata micuchun!

CANTARES 4:5

Cambac chuchucunaca ishcai huacharishca tarugacuna, lirio sisa chaupipi micucuc shinami.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

CANTARES 5:13

Paipac ñahuicunapish huertapi tiyac yuracuna shinami mishquillata ashnacun. Paipac shimica lirio sisamanta mishquilla ashnacuc mirra llucshicuc shinami mishquilla ashnacun.

CANTARES 6:11

Pugru pambapi huiñashca yuracunata, uvas huiñashcata, granada sisashcata ricungapacmi, nogal yuracunata tarpushca huertaman urai rircani.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 57:1

Cashcata ruhuac runa huañucpica, pipish mana yuyarinchu. Llaquic runa chingaricpica, pipish mana entendinchu. Chashna huañushpa llaquimanta anchuchishcataca pi mana yuyarinchu.

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

EZEQUIEL 34:23

Paicunata michichunca, ñucata servic Davidtami churasha. Paillami michinga.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

SAN MATEO 18:20

Maipimi ishcai, mana cashpaca quimsa ñuca shutipi tandanacucpica, ñucaca chaipimi cani— nirca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.