CANTARES 4:3 - Dios Rimashcata Quillcashcami

³ Cambac shimica puca puchca shinami. Cambac rimaipish ricsillami. Cambac ñahuica telahuan tapashca ucupica chaupishca granada shinami.

CANTARES 4:3 Iomraidhean Croise

GÉNESIS 32:10

Canta servic ñucata cuyashpa, allicunata cuchunca, ima allita canmanca mana ruhuashcanichu. Ñucaca cai Jordán jatun yacutaca tauna caspi apashcallami pasarcani. Cunanca, ishcai pamba animalcunami ñucapac can.

ESDRAS 9:6

mañashpaca: «Ñuca Dioslla, yallita manchaihuan, pingaihuan cashpami, ñuca ñahuihuan canta huichai ricunatapish mana pudini. Ñuca Dioslla, ñucanchic mana allita ruhuashcaca yallita mirashpami, umacaman tapashpa, jahua pachacaman chayashca.

SALMOS 119:13

Can mandashpa rimashcataca ñuca shimihuanmi callarishpa huillarcani.

SALMOS 37:30

Cashcata ruhuac runaca alli yachashca rimaicunatami riman. Paipac calluca imapish cashcallatatacmi riman.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

PROVERBIOS 10:13

Alli yuyaita charicpac shimimantaca alli yachaimi llucshin. Ashtahuanpish varaca mana entendiccunata macangapacmi.

PROVERBIOS 31:26

Paica alli yachac cashpami imatapish riman. Shinallatac cuyaihuanmi yachachin.

CANTARES 1:5

Jerusalenpi causaccunalla, ñucaca yana cashpapish sumacmi cani. Cedar llacta carpa huasicuna shina, Salomonpac lienzo paño shina sumacmi cani.

CANTARES 4:11

Ñuca cuyashca huarmilla, cambac shimimantaca bunga mishquimi llucshicun. Cambac callupica bunga mishquipish, lechepish tiyanmi. Cambac churanaca Libanomanta mishqui shinami ashnacun.

CANTARES 5:13

Paipac ñahuicunapish huertapi tiyac yuracuna shinami mishquillata ashnacun. Paipac shimica lirio sisamanta mishquilla ashnacuc mirra llucshicuc shinami mishquilla ashnacun.

CANTARES 5:16

Paipac shimica mai mishquimi. Jerusalenpi causac solteracunalla, ñuca cuyashca, ñuca ricsishcapac shimica bunga mishqui shinami.

CANTARES 6:7

Cambac ñahuica telahuan tapashca chaupishca granada shinami.

CANTARES 7:9

Cambac shimica cambac cuyashcapac shimipi alli vino yaicucuc shina cachun. Shimitapish, quirutapish vino yaicuc shina cachun.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

LEVÍTICO 14:4

chuyanlla saquirichunmi, ishcai uchilla micuna zhutata, cedro caspita, puca pañota, hisopo sacha ramata apamuchun mandanga.

LEVÍTICO 14:6

Chai quipaca chai causacuc zhutata, cedro caspita, puca pañota, hisopo ramata japishpa, chai yacu jahuapi huañuchishca zhuta yahuarpi causac zhutata satinga.

NÚMEROS 19:6

Curaca cedro caspitapish, hisopotapish, puca telatapish japishpami, vaca rupacuc ninapi shitanga.

NÚMEROS 4:8

Chai jahuapica sani puca pañohuan catashpa, chai jahuataca delfín carahuan catashpami huanduna varata churanga.

SAN MATEO 12:35

Alli runaca paipac shungupi alli yuyai tiyashcamantami, allita riman. Mana alli runaca paipac shungupi millai tiyashcamantami, mana allita riman.

SAN LUCAS 4:22

Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc rimaicunallatac rimaichic. Chashna rimacta uyashpami, shuccunapish yuyaita japingacuna.

COLOSENSES 4:6

Cancuna shuccunahuan parlanacushpapish, uyanalla sumac rimaicunahuan parlaichic. Paicuna imata tapucpipish, allita cutichinata yuyaichic.

HEBREOS 9:19

Moisesmi israelcunaman Dios mandashcataca huillarca. Chaimantami puca millmatapish, hisopo ramatapish, becicunapac, chivocunapac yahuarhuan, yacuhuan chapushpa, jucuchishpa Dios mandashca quillcapi, tucui israelcunapac jahuapi chiraparca.

JOSUÉ 2:18

cai llactaman ñucanchic yaicumucpi, ñucanchicta uricuchishca ventanallapitac cai puca huascata huarcuchingui. Shinallatac cambac taitatapish, mamatapish, turicunatapish, cambac taitapac tucui familiacunatapish, cambac huasipi tandachingui.