CANTARES 3:2 - Dios Rimashcata Quillcashcami

² Chashna mana tarishpaca: «Cunanca jatarishpa, puebloman rishpa ñuca shungu cuyashcataca ñancunapi, plazacunapi mashcagrisha» nishpami yuyarcani. Mashcashpapish mana tarircanichu.

CANTARES 3:2 Iomraidhean Croise

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

CANTARES 1:7

Ñuca tucui shunguhuan cuyashcalla, ¿maipitac ovejacunata michinguiyari? Chaupi punzhaca, ¿maipitac ovejacunata samachinguiyari? Cambac ricsishcapac ovejacunahuan mana chingarishpa purisha ninichu. Chaimanta huillaiyari.

CANTARES 3:3

Pueblota cuidaccunahuanmi tuparcani. Paicunataca: «¿Manachu ñuca shungu cuyashcata ricurcanguichic?» nircani.

CANTARES 5:5

Ñuca cuyashcata yaicuchingapacmi jatarishpa punguta pascagrircani. Ñuca maquicunamantaca mirrami shuturca. Aldabata pascacucpipish ñuca dedocunataca mirrami yacu shina callparca.

ISAÍAS 64:7

¡Cambac shutita mañacca pipish mana tiyanchu! ¡Pipish canhuan cangapac mana sinchiyanchu! Chaimantami cambac ñahuitaca ñucanchicmanta pacarcangui. Ñucanchic mana allicunata ruhuashcacunallatac mandac shina, charicucpimi, anguyac shina, llaquita apachun saquircangui.

JEREMÍAS 5:1

Mandac Diosca: «Cunanca, Jerusalén ñancunapi purishpa alli ricuichic. ¿Cashcata ruhuac, allita mashcac runaca tiyanchu? Plazacunapi mashcaichic. Shuc runallapish allita ruhuac tiyacpica, Jerusalentaca quishpichishami.

SAN JUAN 1:6

Diosca Juan shuti runatami cacharca.

ROMANOS 13:11

Tucui caicunataca cunan punzhapi ima tucushcata ricushpa yuyarichic. Ñucanchic crishca punzhamanta ricucpica, quishpichina punzhaca ñami shamucun. Chaimanta ama sueñucuichicchu, ashtahuanpish riccharishca shina caichic.

1 CORINTIOS 15:34

Cancunapuramanta maijanca manarac Diosta ricsinchu. Chaimanta alli yuyaiman causaichic, ama juchata ruhuaichicchu. Caicuna pingachunmi chashnaca nini.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.