CANTARES 3:1 - Dios Rimashcata Quillcashcami

¹ Ñuca shungu cuyashcataca tutacunami camapi mashcarcani. Mashcashpapish mana tarircanichu.

CANTARES 3:1 Iomraidhean Croise

SALMOS 22:2

Ñuca Dioslla, punzhacuna mañacpica mana uyanguica. Tutacuna mañacpipish mana samachinguica.

SALMOS 4:4

Paipac ñaupapi chucchuichicyari, ama ashtahuan juchallichicchu. Camapi siririshpa shungupi upalla tucushpa yuyarichicyari.

SALMOS 6:6

Ñucaca yallita huacashpami shaicushca cani. Tucui tuta yallita huacashpami, huiquihuan saunatapish, camatapish jucuchini.

CANTARES 1:7

Ñuca tucui shunguhuan cuyashcalla, ¿maipitac ovejacunata michinguiyari? Chaupi punzhaca, ¿maipitac ovejacunata samachinguiyari? Cambac ricsishcapac ovejacunahuan mana chingarishpa purisha ninichu. Chaimanta huillaiyari.

CANTARES 5:6

Ñuca cuyashcata yaicuchingapac punguta pascacpica, paica ñami rishca carca. Pai rimashcata uyashpaca, ñuca almaca catishpami llucshirca. Mashcashpapish mana tarircanichu, cayacpipish mana cutichircachu.

CANTARES 5:8

Jerusalenpi causac solteracunalla, ñuca cuyashcahuan tupashpaca: «Canta ricunayaihuanmi ungushca huañucun» ningapac ari nichicyari.

ISAÍAS 26:9

Tucui shunguhuanmi tutapish canta yuyaricuni. Ñuca causai tiyashcacamanca tutamanta jatarishpami cantaca mañasha. Can llaquicpimi, cai pachapi causaccunaca cashcata ruhuashpa causanata yachacun.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

SAN LUCAS 13:24

—Quichqui punguta yaicunata yuyaichic. Taucacuna chaita yaicusha nicushpapish, mana yaicui pudingachu.

SAN JUAN 11:29

María chaita uyashpaca, utcami Jesus-huan tupangapac rirca.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca cuyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta cuyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.