CANTARES 2:4 - Dios Rimashcata Quillcashcami

⁴ Paica jatun micui ucumanmi aparca. Paipac cuyaica ñucataca bandera shinami taparca.

CANTARES 2:4 Iomraidhean Croise

ESTER 7:7

Jatun mandacca nina japiric shina piñarishpami vinota ubianata saquishpa mandashpa tiyana huasi lado huertaman rirca. Jatun mandacca Amanta huañuchinalaya tucucpimi, Amanca paita ama huañuchichun jatun mandac Esterman mañangapac saquirirca.

JOB 1:10

¿Manachu canllatac paitapish, paipac huasi ucupuratapish, tucui imata pai charishcacunatapish cuidacungui? Paipac maquihuan imata ruhuacpipish yallitami bendiciangui. Chaimantami pai charishcacunaca cai llactapica yallita mirarishca.

SALMOS 20:5

Can quishpichishcamantami ñucanchicca cushicushun. Can mishachishcamantami cambac shutipi banderata alzashpa yallita cushicuchun. Mandac Dios can tucui munashca pactachun.

SALMOS 60:4

Arcocunahuan shitacpi jarcarichunmi canta manchaccunamanca banderata cushcangui.

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.

CANTARES 1:1

Cai cantoca tucui cantocunamanta yalli sumacta Salomón ruhuashca cantomi.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

CANTARES 6:4

Ñuca cuyashcalla, canca mai sumacmi cangui. Tirsa pueblo shinami cangui. Shinallatac Jerusalén pueblo shina munaipacmi cangui. Mana mishaipac catinacushpa shamuc soldadocuna shinami cangui.

ISAÍAS 11:10

Chai punzhacunapica Isaipac sapimanta huiñashcatami llactacunapi causaccuna mashcanga. Paica banderata shayachishca shinami, tucuipac ricuipi shayacunga. Pai causana huasica sumaimanami canga.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.