CANTARES 2:14 - Dios Rimashcata Quillcashcami

¹⁴ Rumi quingrai jutcupimi, jahua urcu pacallapi miticuc ñuca palomitalla, cambac ñahuita ricuchiyari. Can rimashcata uyachiyari. Can rimashca shimica mishquillami uyarin. Cambac ñahuipish sumaimanami ricurin» nirca.

CANTARES 2:14 Iomraidhean Croise

JOB 9:16

Ñuca mañashcata pai uyacpipish, chai mañashcata pai uyashcataca mana crimanchu.

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

SALMOS 22:3

Canca jucha illacmi cangui. ¡Israelcuna alli nishcami causangui!

SALMOS 45:11

Can sumac huarmitaca jatun mandacmi cuyan. Paica cambac jatun mandacmari. Chaimantami paipac ñaupapi cumurina cangui.

SALMOS 45:12

Tiro pueblopi causaccunami convidanacunahuan cambacman shamun. Chayuccunapish cambac ñaupapi alli ricuringapacmi convidanacunahuan shamun.

SALMOS 50:23

Maijanpish animalta ñucaman cushpa alli nicmi, ñucataca jatunyachinga. Paipac causaita allichicmanmi ñuca quishpichic cashcataca huillasha» ninmi.

SALMOS 68:13

Ashtahuanpish cancunaca ovejacunapac chaupipimi sueñurcanguichic. Palomapac alasta cullquihuan cahuishca shina, plumacunapish curihuan cahuishca shinami tucunguichic.

SALMOS 74:19

Cambac urpicunataca ama cai millai animalcunaman caraichu. Cambaclla causaccuna llaquipi causachunca ama cungarishpa saquinguichu.

ÉXODO 3:6

Ñucaca cambac taita Abrahampac, Isaacpac shinallatac Jacobopac Diosmi cani— nirca. Chaimantami Moisesca Diosta ricunata manchashpa paipac ñahuita taparirca.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

CANTARES 1:15

¡Ñuca cuyashcalla, canca yallita sumacmi cangui! Canca yallita sumaimanami cangui. Cambac ñahuicunaca ishcai palomacuna shinami.

CANTARES 1:5

Jerusalenpi causaccunalla, ñucaca yana cashpapish sumacmi cani. Cedar llacta carpa huasicuna shina, Salomonpac lienzo paño shina sumacmi cani.

CANTARES 1:8

Tucui huarmicunamanta yalli sumac huarmilla, can mana yachashpaca, oveja sarushcata ricushpa michina chuclla cuchuman cati rishpa, chaipi cambac malta chivocunata michiyari.

CANTARES 5:2

Ñuca sueñucucpipish ñuca shunguca riccharacunmi. Ñuca cuyashca pungupi huactashpaca: «Ñuca panilla, ñuca cuyashcalla, ñuca urpilla, punguta pascaiyari. Ñuca umataca garuami jucuchicun. Ñuca acchamantaca yacumi shutucun» nishpami cayacushca carca.

CANTARES 8:13

¡Huerta chaupipi causac huarmilla, cambac rimashcata uyachiyari! ¡Ñuca ricsishcacunamanpish, ñucamanpish can rimashcata uyachiyari!

ISAÍAS 2:21

Chashna shitashpami manchana Mandac Dios achicyachicpi, rumi quingraicunapi, jatun rumi ucucunapi satiringa. Cai pachapi causaccunata Dios llaquichishpa chucchuchicpimi, chashnaca tucunga.

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

ISAÍAS 60:8

¿Pitac puyu shina volashpa shamucun? ¿Picunatac palomacuna ventanaman yaicuc shina yaicumun?

JEREMÍAS 48:28

¡Moab llactapi causaccunalla, chaimanta llucshishpa, rumi quingraicunapi, jatun patapi paloma shina, cuzhata ruhuashpa causagrichic!

JEREMÍAS 49:16

Jatun quingrai jutcucunapi, jatun urcu lomacunapi causaccunalla, cancunapac shungupi jatun tucushpa cariyashcamantami cancunallatac umai tucushcanguichic. Aguilacuna jatun quingraipi cuzhata ruhuashca shina causacucpipish chaimantami uricuchisha. Chaitaca Mandac Dios ñucami nini» ninmi.

EZEQUIEL 7:16

Maijan llaquimanta quishpirishcacunaca pambapi causac paloma shinami, urcucunapi miticugringa. Chashnami paicunallatac millaita ruhuashcamantaca huacashpa ringacuna.

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

ABDÍAS 1:3

Cambac shungupi jatun tucuna yuyaillami cantaca pandachirca. Canca jatun urcu chaupipimi cangui. Chaipi causashpami cambac shungupica: “¿Pitac caimantaca pambaman urmachingayari?” yuyangui.

SAN MATEO 10:16

Ñucaca cancunataca ovejacunata atuccunapac chaupita cachac shinami cachani. Chaimanta cancunaca culebra shina yuyaisapa, paloma humilde caichic.

SAN MATEO 3:16

Jesús bautizarishpa, yacumanta llucshishpaca, jahua pacha pascarictapish, Diospac Espíritu paloma shina shamushpa paipac jahuapi tiyarictami ricurca.

EFESIOS 5:27

Tandanacushca criccunaca paipac ñaupapi chuyanlla, ima mana alli ruhuashcacunapish illac, llambuclla sumaimana ricurichunmi, chashnaca ruhuarca.

COLOSENSES 1:22

Shina cacpipish cunanca Cristo runa tucushpa, llaquita apashpa huañushcamantami, Diosca cancunata paihuan alli tucuchun chasquirca. Chashnami cancunataca paipac ñaupapi paipaclla cachun, jucha illac cachun, shinallatac chuyayachishca cachunpish chashnaca ruhuarca.

HEBREOS 10:22

Chaimanta tucui shunguhuan crishpa, ñucanchic shungumanta millai yuyaicunata anchuchishpa, chuya yacuhuan chuyayashpa, Diospacman cuchuyashunchic.

HEBREOS 4:16

Chaimanta cuyac Dios ñucanchicta llaquichun, paipac jatun cuyaimanta ayudachun, paipacman tucui shunguhuan cuchuyashpa mañashunchic.

1 PEDRO 3:4

Chaipac randica cancunapac ucu shungumantatac allichirishpa, mana piñaric, alli shungu caichic. Chashna allichirishpami, Diospac ñaupapica huiñaita mai alli nishcacuna canguichic.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.