CANTARES 2:10 - Dios Rimashcata Quillcashcami

¹⁰ Ñuca cuyashca rimashpaca: «Ñuca cuyashca sumac huarmilla jatarishpa shamuiyari.

CANTARES 2:10 Iomraidhean Croise

2 SAMUEL 23:3

Israelcunapac Diosmi rimarca. Israelcunapac sinchi rumi shina Diosca: “Cashcata ruhuashpa, llactata mandacmi tiyanga. Paica Diosta mañashpami allita mandanga.

SALMOS 85:8

Mandac Dios rimashcata uyashami. Pai acllashcacunamanca cushi causaitami huillanga. Paipacllacuna imapish mana allita ama ruhuachun, ima mapapipish ama urmachunmi rimanga.

CANTARES 1:15

¡Ñuca cuyashcalla, canca yallita sumacmi cangui! Canca yallita sumaimanami cangui. Cambac ñahuicunaca ishcai palomacuna shinami.

CANTARES 1:9

Ñuca cuyashcalla, canca Faraonpac carretacunata aisac huarmi caballocuna shinami cangui.

CANTARES 2:11

Ñami tamya punzhacunaca llucshishca. Tamya punzhacunaca tucurishcami.

CANTARES 2:13

Higo yuracunapish ñami pucushca. Uvas chagra sisacunapish, sumactami ashnacun. ¡Ñuca cuyashca sumac huarmilla, jatarishpa shamuiyari!

CANTARES 2:8

¡Ñuca cuyashca rimashcami uyarin! Paica urcu urcuta, loma lomata saltashpami shamucun.

CANTARES 5:2

Ñuca sueñucucpipish ñuca shunguca riccharacunmi. Ñuca cuyashca pungupi huactashpaca: «Ñuca panilla, ñuca cuyashcalla, ñuca urpilla, punguta pascaiyari. Ñuca umataca garuami jucuchicun. Ñuca acchamantaca yacumi shutucun» nishpami cayacushca carca.

JEREMÍAS 31:3

Ñuca utca huatacunapi ricurishpaca: “Cantaca jaicapi mana tucuri cuyaihuanmi cuyani. Chaimantami ashtahuan llaquini.

SAN MATEO 9:9

Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca: —Ñucata cati— nirca. Chashna nicpimi, Mateoca jatarishpa catishpa rirca.

2 CORINTIOS 11:2

Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.