CANTARES 1:7 - Dios Rimashcata Quillcashcami

⁷ Ñuca tucui shunguhuan cuyashcalla, ¿maipitac ovejacunata michinguiyari? Chaupi punzhaca, ¿maipitac ovejacunata samachinguiyari? Cambac ricsishcapac ovejacunahuan mana chingarishpa purisha ninichu. Chaimanta huillaiyari.

CANTARES 1:7 Iomraidhean Croise

GÉNESIS 37:16

Shina nicpimi Joseca: —Ñuca huauquicunatami mashcacuni, paicuna maipi ovejata michicucta ricushca cashpaca huillaiyari— nirca.

SALMOS 116:1

Mandac Diostaca cuyanimi. Paimi ñuca mañashcatapish, ñuca caparishcatapish uyarca.

SALMOS 18:1

Mandac Dioslla, cantaca cuyanimi. Canca ñucapac jarcarina jatun pirca shinami cangui.

SALMOS 28:1

Mandac Dioslla, cantami caparishpa mañasha. Canca ñuca jarcarina jatun rumimi cangui. Ama ringrita pacaichu. Can ringrita pacashpa ñuca mañashcata mana uyacpica, huañushcacuna shinami casha.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

CANTARES 2:16

Ñuca cuyashcaca ñucapacmi, ñucaca paipacmi cani. Paica lirio sisa chaupipimi michicun.

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

CANTARES 5:10

Ñuca cuyashcaca yuranllami. Ñahuipish pucallami. Chunga huaranga runacunapac chaupipi cashpapish ricsillami.

CANTARES 5:16

Paipac shimica mai mishquimi. Jerusalenpi causac solteracunalla, ñuca cuyashca, ñuca ricsishcapac shimica bunga mishqui shinami.

CANTARES 5:8

Jerusalenpi causac solteracunalla, ñuca cuyashcahuan tupashpaca: «Canta ricunayaihuanmi ungushca huañucun» ningapac ari nichicyari.

CANTARES 6:2

Ñuca cuyashcaca paipac huertamanmi rirca. Mishquilla ashnacuc huertaman, paipac huertapi michingapac, Lirio sisacunata tandangapacmi rirca.

CANTARES 6:3

¡Ñucaca, ñuca cuyashcapacmi cani! ¡Ñuca cuyashcaca ñucapacmi! Paica lirio sisacuna chaupipimi michin.

CANTARES 8:13

¡Huerta chaupipi causac huarmilla, cambac rimashcata uyachiyari! ¡Ñuca ricsishcacunamanpish, ñucamanpish can rimashcata uyachiyari!

ISAÍAS 13:20

Chaipica pi mana ashtahuan causangachu. Chaipica quipa huiñaicunapish mana causangachu. Arabeocunapish mana carpa huasicunata shayachingachu. Michiccunapish corralta mana ashtahuan ruhuangachu.

ISAÍAS 26:9

Tucui shunguhuanmi tutapish canta yuyaricuni. Ñuca causai tiyashcacamanca tutamanta jatarishpami cantaca mañasha. Can llaquicpimi, cai pachapi causaccunaca cashcata ruhuashpa causanata yachacun.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 5:1

Ñuca ricsishcamanmi paipac uvas chagramanta cantagrini. Ñuca ricsishcami alli pucuc allpa quingraipi uvas chagrata charirca.

JEREMÍAS 33:12

Cutinllatac tucuita Mandac Diosca: “Runacunapish, animalcunapish mana tiyac, cai shitashca llactapica cutinllatacmi michinapish, chucllacunapish tucui llactacunapi tiyanga.

MIQUEAS 5:4

Chai Mandacca Mandac Diospac sumac poderhuanmi michinga. Chaimantami paicunaca cushilla causanga. Pai yallita sinchiyachicpimi, mana manchashpa causanga.

SAN MATEO 10:37

Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.

SAN JUAN 10:11

Ñucami alli michicca cani. Alli michicca, ovejacunamanta huañuna cacpipish huañungalla.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca cuyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta cuyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

1 PEDRO 2:7

Cancuna Cristota criccunamanca, paica mai valishcami can. Ashtahuanpish chaita mana criccunamanca, Dios quillcachishcapi nishca shinami pactashca. Chaipica: «Huasita ruhuaccuna mana nishca, shitashca rumillatacmi, huasita callaringapac tucuimanta yalli alli Rumica tucushca» ninmi.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

RUT 2:21

Shina nicpimi, moabitapuramanta Rutca: —Ashtahuan cashnapish nircami: “Tucui cosecha tucuringacaman ñucata serviccunahuan puricuilla” nircami— nirca.