APOCALIPSIS 9:7 - Dios Rimashcata Quillcashcami

⁷ Chai langostacunaca macanacuiman ringapac allichirishca caballocuna shinami carca. Umacunapica curi coronacunata churashcami carca. Cutin ñahuicunaca gentecunapac ñahui shinami carca.

Nuevo Testamento en Quichua Cañar 1996

⁷ Chai langostacunaca macanacuiman ringapac allichirishca caballocuna shinami carca. Umapica curi coronata churashcami carca. Shinallatac paicunapac ñahuica gentecunapac ñahui shinami carca.

APOCALIPSIS 9:7 Iomraidhean Croise

DANIEL 7:4

Punta animalca león shinapish, anga shina alascunayucpishmi carca. Ñuca ricucucllapitacmi paipac alascunata piticpi, pambamanta jatarishpa, runa shina ishcai chaquihuan jatarirca. Chai animalmanca runapac yuyaitami curca.

DANIEL 7:8

Chai gachucunata ricucucllapitacmi chai gachucuna chaupipica shuc uchilla gachu huiñashpa ricurirca. Chai uchilla gachupac ladomantami caishuc gachucunapuramanta quimsa gachuta anchuchirca. Chai uchilla gachuca gentecunapac ñahui shinami carca. Shinallatac millaita rimaric shimitapish charircami.

NAHÚM 3:17

Cambac mandaccunaca langosta curucuna shinami canga. Chiri punzhacunapica langostacuna puyu shina shamushpami pirca jahuapi siricunga. Inti shamucpica ringallami. Shina ricpica, paicuna maipi cactaca pipish mana yachanchu.

APOCALIPSIS 6:2

Shina nicpi ñuca ricushpaca, yuranlla caballotami ricurcani. Chai caballopac jahuapi tiyacucca shuc arcotami apashca carca. Paiman coronata cucpimi, atishpa mishangapac llucshirca.

APOCALIPSIS 9:3

Chai cushnimantaca langostacuna llucshishpami, tucui allpa jahuata purirca. Chai animalcunamanca alacrancuna shina millai cana podertami curca.