APOCALIPSIS 9:20 - Dios Rimashcata Quillcashcami

²⁰ Cai llaquicunahuan llaquichicucpi mana huañuc gentecunaca, mana allita ruhuanataca mana saquircachu. Ashtahuanpish supaicunatapish, curimanta, cullquimanta, rumimanta, broncemanta, caspimanta ruhuashca mana uyac, mana ricuc, mana puric dioscunatami adorashpa catircacuna.

Nuevo Testamento en Quichua Cañar 1996

²⁰ Shina llaquichicucpipish caishuc gentecunaca mana huañurcachu. Shina mana huañushpapish paicuna mana allita ruhuacushcataca mana saquircacunachu. Chashna cashpami supaicunatapish, curimanta, cullquimanta, rumimanta, broncemanta, caspimanta ruhuashcalla dioscunatapish adorashpa c'atirca. Chaicunaca uyanatapish mana uyanchu, ricunatapish mana ricunchu, shinallatac purinatapish mana purinchu.

APOCALIPSIS 9:20 Iomraidhean Croise

2 REYES 22:17

Ñucata saquishpa shuc dioscunaman inciensota rupachishcamantami chashna llaquichigrini. Cancunapac maquihuan chashna mana allita ruhuashpami, ñucataca yallita piñachircanguichic. Chaimantami cai llactapi causaccunahuanca nina japiric shina yallita piñarircani. Chashna piñarishcamantaca manatac alli tucushachu’ ninmi.

2 CRÓNICAS 28:22

Ashtahuanpish jatun mandac Acazca chai huatacunapi yallita llaqui tucucushpapish, Mandac Diosta llaquichishpami ashtahuan juchata ruhuarca.

2 CRÓNICAS 34:25

Paicunaca ñucata cungarishpa, shuctac dioscunaman inciensota rupachishcami. Paicunapac maquihuan mana allita ruhuashpami ñucataca yallita piñachishca. Chaimantami cai llactapi causaccunataca nina japiric shina piñarishpa llaquichigrini. Chai llaquichinataca mana jarcarishachu” ninmi.

SALMOS 106:37

Paicunapac churicunatapish, ushicunatapish supaicunaman cushpami huañuchirca.

ISAÍAS 2:8

Shinallatac paicunapac llactapica yanga dioscunapish jundami. Paicunapac maquihuan ruhuashca dioscunatami adorancuna.

ISAÍAS 41:7

Caspita llacllacca cullquimanta imatapish ruhuactami cushichin. Martillohuan huactashpa, llambucllata ruhuacca yunquepi fierrocunata huactactami: «¡Cai fierroca allimi llucshishca!» nishpa cushichin. Chai quipaca clavocunahuan clavashpami yanga dioscunata alli shayachin.

JEREMÍAS 1:16

Chaica, mana allita ruhuashcamantami llaquichigrini. Paicunaca ruhuashcalla dioscunata alli nishpami, inciensota cushnichirca.

JEREMÍAS 25:6

Shuctac dioscunata ama catichicchu. Chai dioscunata servishpa, paicunapac ñaupapi ama cumuringuichicchu. Cancunapac maquihuan ruhuashca dioscunata servishpa, Mandac Diosta ama piñachichicchu. Cancuna tucui chaicunata cazucpica, mana llaquichingachu” nircami.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

JEREMÍAS 51:17

Tucui gentecunami imata mana yachac, yuyai illac tucuncuna. Yanga dioscunata ruhuaccunapish chai dioscuna yanga cashcamantami pingai tucun. Chai dioscunaca mana samaita charinchu.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

DANIEL 5:4

Chashna ubiashpami curimanta, cullquimanta, fierromanta, rumimanta, caspimanta ruhuashca dioscunata alabarca.

LEVÍTICO 17:7

Chashnami mana ashtahuan chivoman riccha dioscunaman animalta cunga. Chai dioscunata servishpami huainayarca. Israelcunaca cai mandashcacunatami huiñaita huahua huahuacunapish pactachishpa causana can” ningui.

MIQUEAS 5:13

Rumimanta ruhuashca dioscunatapish, imaman ricchac dioscunatapish cancunapac chaupillapitacmi tucuchisha. Shina ruhuacpimi, cancuna ruhuashca dioscunapac ñaupapica mana ashtahuan cumuringuichic.

SAN MATEO 21:32

Chaica, Bautizac Juan cashcata ruhuanata yachachingapac shamucpica, cancunaca mana crircanguichicchu, ashtahuanpish impuestota japiccunarac, cullquimanta huainayac huarmicunaracmi crirca. Cancunaca chaita ricushpapish Juanta mana crircanguichicchu, llaquirishpa mana Diosman cutirircanguichic— nirca.

HECHOS 17:29

Diospac huahuacunatac cashpaca mana: “Diosca curimanta, cullquimanta, rumimanta ruhuashcami” nishpa, yuyanachu canchic. Chaica gentecunapac yuyaillami.

HECHOS 19:26

Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.

HECHOS 7:41

Chashna nishpami, beciman riccha diosta ruhuashpa, chaicunaman animalta huañuchishpa rupachishpa cushicurca.

2 CORINTIOS 12:21

Ñuca quipata ricugricpica, cancuna ima mana allita ruhuashcata ñuca Dios ricuchishpa, pingaipi churana cashcatami manchani. Cancunapuramanta achcacuna utcamanta pacha mana allita ruhuashpa, huacllirishpa, imapish shuctac mana alli munaicunata ruhuashpa, Diosman mana cutirishcamanta yallita huacana cashcatami manchani.

DEUTERONOMIO 31:29

Ñuca huañushca quipaca huacllirishpami, ñuca mandashcacunamantapish caruyanguichic. Mandac Diospac ñaupapi cancunapac maquihuan mana allita ruhuashpa, Diosta piñachishcamantami quipa punzhacunapica llaqui japinga» nirca.

DEUTERONOMIO 32:17

Supaimanmi animalta rupachirca. Diosmanca mana rupachircachu. Mana ricsishca dioscunaman, cunanlla ruhuashca dioscunaman, cuchullamanta apamushca, taitacuna mana manchana dioscunamanmi animalta cushpa rupachirca.

DEUTERONOMIO 4:28

Chai llactacunapimi gentecuna caspimanta, rumimanta ruhuashca, mana ricuc, mana uyac, mana mutquic, mana micuc yanga dioscunata servinguichic.

1 TIMOTEO 4:1

Quipa punzhacunapi ima tucuna cashcataca, allimi Diospac Espirituca huillacun. Chai punzhacunapica maijancunaca llullac espiritucuna ima nishcata cazushpa, supaicuna yachachishcata catishpa,

APOCALIPSIS 15:1

Cutinllatacmi jahua cielopica shuctac jatun mancharinata ricurcani. Chaipica tucurina canchis llaquicunatami canchis angelcuna charicurca. Chai llaquicunahuanmi Diospac piñaica ña tucurigricurca.

APOCALIPSIS 16:8

Chuscuniqui angelca intipimi pai charicushca copata tallirca. Chashnaca, inti ashtahuan rupacyashpa gentecunata rupachic cachunmi tallirca.

APOCALIPSIS 9:19

Chai caballocunaca shimihuanpish, chupacunahuanpish llaquichircami. Chai chupacunaca culebrapac uma shinami carca. Chaicunahuanmi gentecunataca yallita llaquichirca.

APOCALIPSIS 9:21

Shinallatac huañuchinatapish, brujianatapish, huacllirinatapish, shuhuanatapish mana saquircacunachu.