APOCALIPSIS 9:14 - Dios Rimashcata Quillcashcami

¹⁴ cornetata charicuc suctaniqui angeltaca: «¡Eufrates yacu patapi huatashca chuscu angelcunata cachari!» nirca.

Nuevo Testamento en Quichua Cañar 1996

¹⁴ cornetata charicuc sucta niqui angeltami: —Eufrates yacu patapi huatashca chuscu angelcunata cachari— nirca.

APOCALIPSIS 9:14 Iomraidhean Croise

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

GÉNESIS 2:14

Quimsaniqui yacuca Hidekelmi. Chai yacuca Asiria llactamanta inti llucshic ladotami ricun. Chuscuniqui yacuca Eufratesmi.

2 SAMUEL 8:3

Shinallatac Davidca Rehobpac churi jatun mandac Hadad-ezerta atishpami, Soba llactata mandacurca. Chai jatun mandacmi Eufrates yacu cuchulla llactacaman japisha nicurca.

JEREMÍAS 51:63

Cai quillcashcata tucui rezashpaca, chai quillcapi shuc rumita huatashpa Eufratespi shitangui.

DEUTERONOMIO 1:7

Cancunaca amorreocunapac urcucunaman, chai cuchulla llactacunaman richic. Chai llacta ladollapi cac Arabá llactapi, urcupi, pugru pambapi, shitashca pamba Neguevpi, mama cucha patapi causac cananeocunapac llactapi, Líbano llactapi cac Eufrates yacu ladocaman rishpa causagrichic.

JOSUÉ 1:4

Cancunapac allpaca shitashca pambamanta Libanota catishpa, Eufrates jatun yacucaman, shinallatac tucui heteocunapac llactata catishpa, inti tigrana lado jatun mama cuchacamanmi canga.

APOCALIPSIS 16:12

Suctaniqui angelca Eufrates jatun yacupimi pai charicushca copata tallirca. Chashna tallicpica, inti llucshic ladomanta jatun mandaccuna shamushpa pasachunmi, chai yacuca chaquirca.

APOCALIPSIS 7:1

Chai quipaca cai pacha chuscu ladopi chuscu angelcuna shayacuctami ricurcani. Chaicunaca cai pacha allpatapish, mama cuchatapish, ima yuracunatapish ama huaira huactachunmi, chuscu ladopi jarcashpa shayacurca.

APOCALIPSIS 7:2

Shinallatac inti llucshic ladomanta shuc ángel shamuctami ricurcani. Paica causac Diospac sellotami charicurca. Chai angelmi mama cucha yacutapish, cai pachatapish huacllichingapac poderta charic chuscu angelcunata sinchita caparirca. Paica:

APOCALIPSIS 8:2

Chai quipaca canchis angelcuna Diospac ñaupapi shayacuctami ricurcani. Paicunamanca canchis cornetatami curcacuna.

APOCALIPSIS 8:6

Chai canchis angelcunaca paicuna charicushca canchis cornetapi tocangapacmi allichirirca.

APOCALIPSIS 9:15

Shina nicpimi chuscu angelcunata cacharishpaca, cai pachapi causac gentecunata quimsapi chaupishcamanta shuc parteta huañuchichun cacharca. Chai angelcunaca chai pacha, chai punzha, chai quilla, chai huata huañuchichun nishcatacmi carca.