APOCALIPSIS 8:4 - Dios Rimashcata Quillcashcami

⁴ Incienso rupashcapish, Diospaclla caccuna Diosta mañashcapish, Diospac ñaupamanmi angelpac maquimantaca rirca.

Nuevo Testamento en Quichua Cañar 1996

⁴ Incienso rupashcapish, Taita Diospaclla caccuna Diosman mañashcandicmi, jahua pacha Taita Diospac ñaupaman angelpac maquimantaca rirca.

APOCALIPSIS 8:4 Iomraidhean Croise

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

ÉXODO 30:1

Inciensota rupachingapacca acacia caspimanta shuc altarta ruhuangui.

NÚMEROS 7:62

Shinallatac chunga siclosta pezac curi cucharapi inciensota jundachishcatapish apamurcami.

SAN LUCAS 1:10

Pai inciensota rupachicucpica, tucui gentecunami canzha pambapi Diosta mañacurca.

HECHOS 10:4

Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.

APOCALIPSIS 15:8

Diosca imatapish ruhuangapac poderta charishcamanta shinallatac sumaimana achiclla cashcamantaca, cushnimi Diosta mañana huasipica jundarca. Shina cacpimi canchis angelcuna canchis llaquicunahuan llaquichinata tucuchingacaman, chaimanca pipish mana yaicui pudirca.

APOCALIPSIS 8:3

Chai quipaca shuc angelmi curimanta ruhuashca inciensota churanahuan shamushpa, altar chaquipi shayarirca. Chai angelca Diospaclla caccuna mañashcacunahuan mirarichunmi achca inciensota, mandashpa tiyarinapac ñaupapi cac curi altarpi Diosman curca.