APOCALIPSIS 8:10 - Dios Rimashcata Quillcashcami

¹⁰ Quimsaniqui ángel tocacpica, shuc rupacuc jatun luceromi jagan nishpa jahua pachamanta quimsapi chaupishcamanta shuc parte callpacuc yacucunapi, tucyacuc yacucunapi urmarca.

Nuevo Testamento en Quichua Cañar 1996

¹⁰ Quimsa niqui ángel tocacpica, shuc jatun lucero jagan nishpa rupacuc shina jahua pachamanta urmashpaca jatun yacucunapish, tucyacuc yacucunapish quimsapi chaupishcamanta shuc partemanmi urmarca.

APOCALIPSIS 8:10 Iomraidhean Croise

2 CRÓNICAS 32:3

Chaimantami pai churashca mandaccunahuan, alli sinchi macanacuc soldadocunahuan pueblomanta canzhaman tiyac yacucunata allpahuan tapanata yuyarirca. Shina nicpimi, paicunaca allimi nircacuna.

ISAÍAS 12:3

Cancunaca cushicushpami, quishpichic yacu jundumantaca yacuta llucchinguichic.

ISAÍAS 14:12

¡Tutamanta llucshic lucero shina cashpapish, ima shinatac jahua pachamanta urmarcanguiyari! Canca llactacunata mandashpa irquiyachic cashpapish, allpaman shitashcami cangui.

ZACARÍAS 13:8

Cai llactapi causaccunaca quimsa partepi chicanyachishcaca caillapitacmi huañushpa chingaringa. Ashtahuanpish caishuc quimsa partepi chicanyachishcallami puchunga.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

SAN MATEO 25:1

Jahua pacha Dios mandacucca, chunga solteracuna lamparata japichishpa, noviohuan tupangapac llucshic shinami.

SAN LUCAS 10:18

Chashna nicpimi Jesusca: —Ari, Satanastaca relampa shina jahuamanta urmactami ricurcani.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 12:4

Chupahuanca quimsapi chaupishcamanta shuc parte lucerocunatami jahua cielomanta cai pachaman aisashpa shitarca. Chai dragonca huarmi ña sajuarinca huahuata micungapacmi, chai huarmipac ñaupapi shayarirca.

APOCALIPSIS 14:7

Pai huillashpaca: «¡Dios taripana punzhaca ñami pactamushca! Shina cashcamanta Diosta manchaichic, shinallatac paita alabaichic. ¡Cai pachatapish, jahua pachatapish, mama cucha yacutapish, shinallatac tucyacuc yacutapish ruhuacta alli nichic!» nirca.

APOCALIPSIS 16:4

Quimsaniqui ángel rishpaca, tucyac yacupi shinallatac callpac yacupimi pai charicushca copata tallirca. Shina tallicpica, chai yacuca yahuarmi tucurca.

APOCALIPSIS 6:13

Shinallatac huaira sinchita cuyuchicpi yuramanta higocuna urmac shinami, jahua pachamanta cai pachaman lucerocunapish urmarca.

APOCALIPSIS 8:7

Puntaniqui ángel tocacpica, yahuarhuan chapushca nina, rundumi urmarca. Chashna urmashpami cai allpataca quimsapi chaupishcamanta shuc parteta yuracunandi, quihuacunandi rupachirca.

APOCALIPSIS 9:1

Pichcaniqui ángel tocacpica jahua pachamanta cai pachaman shuc lucero urmactami ricurcani. Chai luceromanca jatun jutcuta pascana llavetami curca.

APOCALIPSIS 9:15

Shina nicpimi chuscu angelcunata cacharishpaca, cai pachapi causac gentecunata quimsapi chaupishcamanta shuc parteta huañuchichun cacharca. Chai angelcunaca chai pacha, chai punzha, chai quilla, chai huata huañuchichun nishcatacmi carca.

APOCALIPSIS 9:18

Chai ninahuan, cushnihuan, azufrehuan, quimsa jatun llaquicunahuanmi, cai pachapi causac quimsapi chaupishcamanta shuc parte gentecunata huañuchirca.

JUECES 15:11

Shina nicpimi, Judá aillucunaca quimsa huaranga runacunahuan Etam jatun quingraipi tiyac machaiman rishpa Sansontaca: —¿Ima nishpatac chaita ruhuarcangui? ¿Filisteocuna ñucanchicta mandashpa charicuctaca manachu yachangui?— nircacuna. Shina nicpimi Sansonca: —Paicuna ñucata ima shina llaquichishca shinallatacmi paicunatapish llaquichircani— nirca.