APOCALIPSIS 7:9 - Dios Rimashcata Quillcashcami

⁹ Chai quipaca mana yupaipac tucuilaya gentecuna tucui llactacunamanta, tucui aillucunamanta, tucuilaya rimaita rimac gentecunatami ricurcani. Paicunaca mandashpa tiyarinapac ñaupapi, Pactalla Ovejapac ñaupapi yuranlla churanata churarishca, maquipica ramoscunahuan shayacuctami ricurcani.

Nuevo Testamento en Quichua Cañar 1996

⁹ Chai q'uipaca tucui llactacunamantapish, tucui aillucunamantapish, tucui laya rimaita rimaccunamantapish, shinallatac tucui laya gentecunamantapish pi mana yupaipac gentecunami mandashpa tiyarinapac ñaupapi, shinallatac Pactalla Ovejapac*f** ñaupapi shayacuctami ricurcani. Paicunaca yuraclla churanata churarishca, maquipica ramoscunatami charicurcacuna.

APOCALIPSIS 7:9 Iomraidhean Croise

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SALMOS 2:8

Llactacunatapish cambac cachun mañailla, ñucaca cushallami. Cai pacha tucuricamanmi cambaclla canga.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

SALMOS 76:4

¡Canca sumaimana achic nicucmi cangui! Animalcuna tiyac urcucunatapish yallimi sumaimana cangui.

SALMOS 77:2

Llaqui punzhapica Diostami mashcani. Tutapish maquita huichai alzashpami, mana shaicushpa mañani. Ñuca almaca mana cushicurcachu.

SALMOS 98:3

Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 3:17

Chai punzhacunapica Jerusalentaca ‘Mandac Dios mandashpa tiyarinami’ ningami. Tucui llactacunamantami Jerusalenman shamushpa, Mandac Diospac shutipi mañanga. Ña mana ashtahuan paicunapac shungu munashcata ruhuangachu.

EZEQUIEL 47:5

Cutinllatacmi pichca patsac metrota medirca. Chai yacu yallita mirashcamantami chaquillahuanca ña mana pasaipac carca. Ashtahuanpish nadashpallami pasana carca.

DANIEL 4:1

Jatun mandac Nabucodonosor ñucami tucui cai pachapi causacta, jatun llactapi causaccunata, chican rimaita rimaccunata: “Cushi causaichic” nishpa quillcani.

DANIEL 6:25

Chaimantami jatun mandacca tucui gentecunaman, shuctac llactapi causaccunaman, chican chican rimaita rimaccunaman quillcashpaca: «¡Cushi causaita causaichicyari!

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

LEVÍTICO 23:40

Chai callari punzhapica tucuimanta yalli alli yuracuna pucushca granotapish, palmera ramacunatapish, pangasapa ramacunatapish, yacu cuchupi tiyac sauce ramacunatapish japishpami, canchis punzhata Mandac Dios ñucapac ñaupapi cushicuna canguichic.

ZACARÍAS 10:8

Ñucami silbashpa, cayashpa tandachisha. Ñucami paicunata quishpichisha. Paicunaca utcapi cashca shinallatacmi yallita achca cangacuna.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

SAN LUCAS 12:1

Huaranga huaranga gentecuna ñitirinacushpa shamucpimi, Jesusca paipac yachacuccunataca: —Fariseocunapac levaduramanta cuidaringuichic. Paicunaca mishqui shimi, jayac shungucunami.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

SAN JUAN 12:13

ramacunata pitishpa tupangapac llucshirca. Chashna llucshishpaca: —¡Quishpichicca alli nishca cachun! ¡Mandac Diospac shutipi shamuc, israelcunata Jatun Mandacca tucuipac alli nishca cachun!— nishpami caparirca.

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.

EFESIOS 6:13

Chaimantami millaihuan macanacuna punzhacunapi macanacushpa mishangapacca, Dios cushca macanacunataca, churanata churarishca shina churarichic. Macanacungapac ña tucui allichirishca quipaca, “macanacungapac shuyacuichiclla” ninimi.

HEBREOS 11:12

Chashnami Abrahamca ña huañunalla cashpapish, mama cuchapi tiyac tiyu shina, shinallatac jahua cielopi tiyac lucerocuna shina, mana yupaipac huahua huahuacunata charirca.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 22:3

Chai pueblopica Dios mana alli nishcaca imapish mana tiyangachu. Diospacpish, Pactalla Ovejapacpish tiyana pueblomi can. Chaipica Diospacta ruhuaccunaca paita alli ningacunami.

APOCALIPSIS 3:18

Chaimantami ñucaca, ninapi rupachishca curita ñucamanta randishpa chayucyai, lluchulla pingaipi cashcata ama pi ricuchun, yuranlla churanata randishpa churari, ñahui alli ricuchunpish, jambita randishpa churari nini.

APOCALIPSIS 4:4

Shinallatac chai jatun mandac mandashpa tiyarina muyundicpica, ishcai chunga chuscu mandashpa tiyarinapi ishcai chunga chuscu yuyaccuna tiyacuctami ricurcani. Paicunaca yuranlla churanata churashca, umapipish curi coronata churashcami carca.

APOCALIPSIS 5:11

Chai quipa ricushpaca, mandashpa tiyarinapac, causaita chariccunapac, shinallatac chai yuyaccunapac muyundicpimi achca angelcunapac rimashcata uyarcani. Chai angelcunaca huaranga, huaranga, mana yupaipac mai achcacunami carca.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

APOCALIPSIS 6:11

Chashna nicpimi paicunaman yuranlla churanata cushpaca: «Cancuna shinallatac Jesucristopacta ruhuaccuna cashcamanta mashnacuna huañuna cashca pactangacaman, ashata samaricuichiclla» nictami uyarcani.

APOCALIPSIS 7:8

Zabulonpac aillupuramanta chunga ishcai huaranga, Josepac aillupuramanta chunga ishcai huaranga, shinallatac Benjaminpac aillupuramanta chunga ishcai huaranga sellota churashcacunami carca.