APOCALIPSIS 7:10 - Dios Rimashcata Quillcashcami

¹⁰ Chaicunaca: «¡Mandashpa tiyarinapi tiyacuc ñucanchic Diospish, Pactalla Ovejapish ñucanchicta quishpichircami!» nishpami, sinchita caparicurcacuna.

Nuevo Testamento en Quichua Cañar 1996

¹⁰ Chaicunaca: —¡Mandashpa tiyarinapi tiyacuc ñucanchic Taita Diospish, Pactalla Ovejapish ñucanchicta quishpichircami!— nishpami, sinchita caparicurca.

APOCALIPSIS 7:10 Iomraidhean Croise

SALMOS 115:1

Mandac Dioslla, ama ñucanchicta alli nichuyari. Ashtahuanpish can llaquic cashcamanta, cashcata nic cashcamanta cambac sumaimana shutita alli niyari.

SALMOS 3:8

Can Mandac Diosmi quishpichic cangui. ¡Can acllashcacunata bendiciaiyari!

SALMOS 37:39

Cashcata ruhuaccunataca Mandac Diosmi quishpichinga. Paica llaqui punzhacunapi jarcarina jatun pirca shinami.

ISAÍAS 43:11

Ñucallami Mandac Dios cani. Ñucallami quishpichicca cani.

ISAÍAS 45:15

Israelcunapac quishpichic Mandac Dioslla, canca mana ricuric Diosmi cangui” ningacuna.

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

JEREMÍAS 3:23

Lomacunapi, urcucunapi caparishpa mañanaca yangallami. Ashtahuanpish ñucanchictaca Mandac Diosllami quishpichi pudin.

OSEAS 13:4

Mandac Diosca: «Ñucaca Egiptomanta llucchimushca punzhamanta pachami cancunata Mandac Dios cani. Ama ñucapac randi, shuctac diosta charinguichicchu. Shinallatac shuctac quishpichictapish ama charinguichicchu. Ashtahuanpish ñucallami Dios cani.

JONÁS 2:9

Ñuca shimihuanmi canta alabani. Rupachina animaltapish, canman cusha nishca ofrendatapish cushami. ¡Can Mandac Diosllami quishpichicca cangui!» nirca.

ZACARÍAS 4:7

Jatun urculla, Zorobabelpac ñaupapica, ¿imatac cangui? ¡Canca Zorobabelpac ñaupapica pugru pambami tucungui! Paimi ucupi cac rumita llucchinga. Shina llucchicpica: ‘¡Sumacmari, sumacmari!’ nishpami caparinga” ninmi.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN LUCAS 3:6

Tucui gentecunami Dios quishpichicuctaca ricunga” ninmi» nirca.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

SAN JUAN 1:36

Jesús chaita pasacucta ricushpami Juanca: «Paimi Dios cachashca Pactalla Ovejaca» nirca.

SAN JUAN 4:22

Cancunaca pita mañacushcata mana yachanguichicchu. Ñucanchicca pita mañacushcataca yachanchicmi. Diosca israelcunapuramantami Quishpichicta cachasha nishca.

EFESIOS 2:8

Cancunaca Dios cuyashcallamantami Jesucristota crishpa quishpirishca canguichic. Chaitaca mana cancuna allita ruhuashcamantachu chasquircanguichic, ashtahuanpish chaica Dios cushcallami can.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.

APOCALIPSIS 19:1

Chai quipaca jahua pachapi achcacuna sinchita cashna nishpa caparishcatami uyarcani: «¡Ñucanchicta Mandac Diosllami quishpichicpish, sumac cushicuipish, tucui imatapish ruhuaclla can! ¡Chaimanta paitaca tucuilla alli nishca cachun!

APOCALIPSIS 21:5

Chai quipaca mandashpa tiyarinapi tiyacucca: «Ñucaca tucuitami mushucta ruhuani» nirca. Shinallatac paica: «Quillcai, cai ñuca rimashcacunaca chashna pactanatac, shinallatac mana llullachu» nirca.

APOCALIPSIS 22:3

Chai pueblopica Dios mana alli nishcaca imapish mana tiyangachu. Diospacpish, Pactalla Ovejapacpish tiyana pueblomi can. Chaipica Diospacta ruhuaccunaca paita alli ningacunami.

APOCALIPSIS 4:6

Shinallatac jatun mandac mandashpa tiyarina ñaupapica, cristal jagan nicuc shina shuc jatun cuchaman ricchami carca. Chai tiyarinapac cuchulla muyundicpica, ñaupamanpish, huashamanpish ñahui murucuna junda causaita charic chuscucunami carca.

APOCALIPSIS 5:7

Chai Pactalla Oveja shamushpami, mandashpa tiyarinapi tiyacucpac alli maquimantaca pillushca pangata japirca.