APOCALIPSIS 6:5 - Dios Rimashcata Quillcashcami

⁵ Quimsaniqui sellota Pactalla Oveja pascacpica, chai causaita chariccunamanta quimsaniqui rimashpaca: «¡Shamui!» nictami uyarcani. Chaimantaca shuc yana caballotami ricurcani. Chai caballopi tiyacucca paipac maquipi shuc balanzatami charicurca.

Nuevo Testamento en Quichua Cañar 1996

⁵ Quimsa niqui unanchishcata Pactalla Oveja pascacpica, chai animalman ricchacunamanta quimsa niqui animal rimashpaca: “¡Shamui!” nictami uyarcani. Chaimantaca shuc yana caballotami ricurcani. Chai caballopi tiyacucca paipac maquipi shuc balanzatami charicurca.

APOCALIPSIS 6:5 Iomraidhean Croise

LAMENTACIONES 5:10

Ñucanchic cuerpoca yallita yarcaimanta rupashpami hornopi rupashca shina yanayarca.

EZEQUIEL 4:10

Chaitaca punzhanta chaupi librata micuna horaspi micungui.

EZEQUIEL 4:16

Shinallatac cutin rimashpaca: «Huañunalla runa, Jerusalenpica micuna illangami, pezashcallatami llaquilla micunga. Yacutapish medishpallami manchaihuan ubianga.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

ZACARÍAS 6:2

Shucniqui carretataca puca caballocuna, ishcainiqui carretataca yana caballocuna,

ZACARÍAS 6:6

Yana caballocuna aisashca carretaca jahua llactamanmi ricun. Yurac caballocunaca aisashca carretaca inti tigrana ladomanmi ricun. Muru caballocunaca aisashca carretaca ura lado llactamanmi ricun— nirca.

SAN MATEO 24:7

Llactacunapurapish, jatun mandaccunapurapishmi macanacunga. Maijan llactapica allpa chucchuipish, yarcaipish tiyangami.

APOCALIPSIS 5:5

Chashna cacpimi yuyaccunapuramanta shucca: «Ama huacaichu. Judá aillumanta león shina Mandacmi, pillushca pangata pascangapac, shinallatac canchis sellotapish anchuchingapac tucui mana allita mishashca. Paica ñaupa mandac Davidpac huahua huahuacunapurami can» nirca.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

APOCALIPSIS 6:1

Chai quipaca chai Pactalla Oveja canchispi sellashcamanta shucniqui sellota pascactami ricurcani. Shinallatac chai chuscu causaita chariccunamanta shucmi urcu tulun nic shina sinchita rimashpaca: «¡Shamui!» nicta uyarcani.