APOCALIPSIS 6:15 - Dios Rimashcata Quillcashcami

¹⁵ Shinallatac cai pachata jatun mandaccunapish, soldadocunata jatun mandaccunapish, chayuccunapish, jatun pushaccunapish, serviccunapish, mana serviccunapish, tucuimi urcupi tiyac rumi jutcucunapi, shinallatac machaicunapi miticugrircacuna.

Nuevo Testamento en Quichua Cañar 1996

¹⁵ Shinallatac cai pachata jatun mandaccunapish, soldadocunata jatun mandaccunapish, chayuccunapish, jatun pushaccunapish, serviccunapish, mana serviccunapish, tucuimi urcupi tiyac rumi jutcucunapi, shinallatac machaicunapi miticugrircacuna.

APOCALIPSIS 6:15 Iomraidhean Croise

GÉNESIS 3:8

Paicunaca chishi huairapi Mandac Dios huertapi puricuctami uyarca. Chaimantami caripish, huarmipish Mandac Diospac ñaupamanta chai huertapi tiyac sachapi miticugrirca.

SALMOS 76:12

Paimi mandaccunata cumurichin. ¡Paica cai pachata jatun mandaccunapac manchana Diosmi!

ISAÍAS 2:10

¡Manchana Mandac Diosmanta, jatun poderhuan achicyachicmanta ñuto allpapi, jatun rumipi miticuichicyari!

ISAÍAS 2:19

Yallita manchana Mandac Dios jatun poderhuan achicyachicpica, quingrai jutcucunapi, allpa jutcucunapi satiringacunami. Cai pachapi causaccunata llaquichishpa chucchuchicpimi chashnaca tucunga.

ISAÍAS 2:21

Chashna shitashpami manchana Mandac Dios achicyachicpi, rumi quingraicunapi, jatun rumi ucucunapi satiringa. Cai pachapi causaccunata Dios llaquichishpa chucchuchicpimi, chashnaca tucunga.

ISAÍAS 42:22

Ashtahuanpish cai gentecunaca imatapish quichushca, sarushcami causan. Tucui paicunami jutcucunapi japi tucushpa, prezushca pacalla tiyacun. Paicunata imapish quichushca causachunmi churashca. Paicunata quishpichicca pi mana tiyanchu. Paicunamanta quichushcataca Pi: “¡Cutichichic!” mana ninchu» ninmi.

MIQUEAS 7:17

Paicunaca culebra shina, llucashpa puric animalcuna shinami ñuto allpata micunga. Culebra mancharishpa jutcumanta llucshic shinami chucchunga. Mandac Diospacmanmi manchaihuan chucchushpa cutiringa. Can llaquichinatami manchanga.

HEBREOS 11:38

Cai pachaca mana chashna alli gentecuna causangapacchu carca. Paicunaca shitashca pambacunapi, urcucunapi, machaicunapi, ucuta jutcushcacunapimi llaquinayaita causarca.

APOCALIPSIS 18:23

Achicyachic luzpish jaicapi mana tiyangachu. Cazarashpa cushicuipish mana tiyangachu. Catushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui.

JUECES 6:2

Madianitacuna israelcunata yallita llaquichicpimi, paicunaca urcucunapi, machaicunapi, mai pacallacunapi miticurca.

1 SAMUEL 13:6

Israelcunaca yallita llaquipi cashpami, jatun jutcucunapi, huaicucunapi, machaicunapi, quingraicunapi, yacu jundachina jutcucunapi miticurca.