APOCALIPSIS 6:11 - Dios Rimashcata Quillcashcami

¹¹ Chashna nicpimi paicunaman yuranlla churanata cushpaca: «Cancuna shinallatac Jesucristopacta ruhuaccuna cashcamanta mashnacuna huañuna cashca pactangacaman, ashata samaricuichiclla» nictami uyarcani.

Nuevo Testamento en Quichua Cañar 1996

¹¹ Chashna nicpi paicunaman yuraclla churanata cushpaca: —Cancuna shinallatac Jesucristopacta ruhuaccuna cashcamanta mashnacuna huañuchina cashca pactangacaman, ashata samaricuichiclla— nictami uyarcani.

APOCALIPSIS 6:11 Iomraidhean Croise

DANIEL 12:13

Shina cacpipish, canca caticuilla. Tucuri punzhacunapi can japina cashcata japingapac samarilla” nirca.

SAN MATEO 10:21

Huauquica quiquin huauquillatatac, taitaca quiquin churillatatacmi huañuchiccunaman japichinga. Huahuacunaca taita mamata piñashpami, huañuchiccunaman japichinga.

SAN LUCAS 15:22

Ashtahuanpish taitaca paipac serviccunataca: “Ashtahuan sumac churanata apamushpa churachichic. Maqui dedopica sortejasta, chaquipica ushutata churachichic.

SAN JUAN 16:2

Tandanacuna huasicunamanta llucchishpa cachangami. Shinallatac cancunata huañuchishpa, Diosmanmi alli ruhuanchic nina punzhami chayamunga.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

2 TESALONICENSES 1:7

Cutin cancuna llaquita apacuccunataca ñucanchicta samachic shinallatac samachingapacmi Apunchic Jesusca paipac poderyuc angelcunahuan jahua pachamanta nina culun nicuc chaupita shamunga.

2 TIMOTEO 4:7

Ñucaca Jesusta crinata mana saquishpami, macanacuipi alli macanacushpa mishac shina chai chayana cashcaman ña chayashcani.

HEBREOS 11:40

Chaica, Diosca ñucanchicpish paicuna shinallatac ama juchanchishca cachunmi, ashtahuan allita ruhuashca.

HEBREOS 12:23

jahua pacha libropi quillcashca, Diospac punta huahuacuna tandanacushcaman chayarcanguichic. Shinallatac tucuita taripashpa ricuchic Diospacman, cashcata ruhuaccunata Dios allita ruhuashca almacunapacmanmi chayarcanguichic.

HEBREOS 4:10

Chaica, yaicuccunaca Dios tucuita ruhuashpa samarishca shinami, Dios-huan samaringapac yaicunga. Paicuna imata ruhuashcamantapish samaringami.

APOCALIPSIS 10:6

jahua pachatapish, cai pachatapish, mama cuchatapish, tucui chaipi ima tiyaccunatapish ruhuacpac, huiñaita causacpac shutipimi: «Cunanca shuyana punzhacunaca ña mana tiyangachu.

APOCALIPSIS 13:15

Diosca quipa animaltaca punta animalman ricchata ruhuashca animalman causaita cuchun, rimachichun, shinallatac paita mana “allimari cangui” niccunata huañuchichunmi saquirca.

APOCALIPSIS 14:13

Cutin jahua pachamanta shuc rimashca uyarishpaca: «Caita quillcai: Caimanta quipaman Apunchic Jesus-huan shuclla tucushpa huañuccunamanca, ¡mai cushicuimi canga! Diospac Espiritupish: Ari, chashnami can. Paicuna ima ruhuacushcamantaca samaringacunami. Paicuna ima ruhuashcapish paicunahuanmi canga» nishcatami uyarcani.

APOCALIPSIS 17:6

Chai huarmitaca Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

APOCALIPSIS 7:9

Chai quipaca mana yupaipac tucuilaya gentecuna tucui llactacunamanta, tucui aillucunamanta, tucuilaya rimaita rimac gentecunatami ricurcani. Paicunaca mandashpa tiyarinapac ñaupapi, Pactalla Ovejapac ñaupapi yuranlla churanata churarishca, maquipica ramoscunahuan shayacuctami ricurcani.