APOCALIPSIS 4:9 - Dios Rimashcata Quillcashcami

⁹ Huiñai huiñaita causacuc, chai mandashpa tiyarinapi tiyacuctaca, canca sumacmi cangui, allimari cangui nishpami chai chuscu causaita chariccunaca pagui nicurca.

Nuevo Testamento en Quichua Cañar 1996

⁹ Huiñai huiñaita causacuc, chai mandashpa tiyarinapi tiyacuctaca chai animalman ricchacunaca: —¡Canca sumacmi cangui, allimari cangui!— nishpami, pagui nicurcalla.

APOCALIPSIS 4:9 Iomraidhean Croise

SALMOS 47:8

¡Diosca tucui llactacunatami mandacun! ¡Diosca chicanyachishca paipaclla tiyanapi tiyashpami mandacun!

SALMOS 48:14

Sumac Diosca huiñai huiñaipac ñucanchic Diosmari. Paimi huiñaita ñucanchictaca pushanga.

ÉXODO 15:18

Mandac Diosca huiñaita mandacungallami» nirca.

ISAÍAS 6:1

Jatun mandac Uzías huañushca huatami ñucaca Mandac Dios jatun tiyarinapi tiyacucta ricurcani. Paipac jahualla churanaca paipac huasitami tucui tapashca carca.

DANIEL 12:7

Shina nicpimi, jatun yacu jahuapi lino churanata churashca shayacuc runaca alli maquitapish, lluqui maquitapish alzashpa huiñaita causac Diospac shutipi rimashpaca: “Quimsa huata chaupipimi chaica canga. Tucui caicunaca Diospaclla causaccuna mana ashtahuan llaquichishca cacpimi pactanga” nirca.

DANIEL 4:34

Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.

DEUTERONOMIO 32:40

Maquita jahua pachaman alzashpami: ¡Huiñaitami casac ñuca shutipimi nisha!

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

HEBREOS 7:8

Huañunalla runacunami chungamanta shucta chasquincuna huañunalla runacunami, ashtahuanpish Melquisedecmantaca nishpaca, mana huañushca shinatami Dios quillcachishcapica nicun.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 10:6

jahua pachatapish, cai pachatapish, mama cuchatapish, tucui chaipi ima tiyaccunatapish ruhuacpac, huiñaita causacpac shutipimi: «Cunanca shuyana punzhacunaca ña mana tiyangachu.

APOCALIPSIS 15:7

Chai chuscu causaita chariccuna puramanta shucca, huiñaicaman causacuc Dios piñarishpa llaquichinatami curimanta ruhuashca canchis copapi jundachishpa, canchis angelman curca.

APOCALIPSIS 21:5

Chai quipaca mandashpa tiyarinapi tiyacucca: «Ñucaca tucuitami mushucta ruhuani» nirca. Shinallatac paica: «Quillcai, cai ñuca rimashcacunaca chashna pactanatac, shinallatac mana llullachu» nirca.

APOCALIPSIS 4:2

Shina nincami ñucata Diospac Espíritu japicpi, jahua pachapi jatun mandac mandashpa tiyarinapi shuc mandac tiyacucta ricurcani.

APOCALIPSIS 4:8

Chai chuscu causaita chariccunaca tucuimi sucta alasta charirca. Canzhamanpish, ucumanpish ñahui murucuna jundami carca. Chaicunaca tutapish, punzhapish mana shaicushpami: «¡Tucui imatapish ruhuac Mandac Dioslla, canca jucha illac, jucha illac, jucha illacmi cangui! Canllatacmi carcangui, canllatacmi cangui, shinallatac canllatacmi shamungui» nishpami, alli nicurca.

APOCALIPSIS 5:1

Mandashpa tiyarinapi tiyacucca jahuamanpish ucumanpish quillcashca, shuc pillushca pangatami paipac alli maquipi charicucta ricurcani. Chai pillushca pangaca canchis sellota churashcami carca.

APOCALIPSIS 6:16

Chaipimi paicunaca urcucunatapish, rumicunatapish rimashpaca: «Mandashpa tiyarinapi tiyacucpac ñaupamanta, shinallatac Pactalla Oveja piñarishpa jatun llaquita cachanamantapish, ¡ñucanchic jahuapi urmashpa pacaichicyari!

APOCALIPSIS 7:15

Chaimantami Diosta mañana huasipi, Dios mandashpa tiyarinapac ñaupapi tutapish, punzhapish paipacta ruhuancuna. Mandashpa tiyarinapi tiyacucmi paipac carpa huasipi paicunataca huacaichinga.