APOCALIPSIS 4:7 - Dios Rimashcata Quillcashcami

⁷ Puntaca leonman riccha, quipaca huagraman riccha, chaipac quipapac ñahuica gentepac ñahui shina, shinallatac chai quipaca huairapi ricuc cóndor shinami carca.

Nuevo Testamento en Quichua Cañar 1996

⁷ Chai animalman ricchacunamantaca, puntaca leonman ricchami carca. Q'uipaca huagraman ricchami carca. Chai c'aticpac ñahuica gentepac ñahui shinami carca. Shinallatac chaipac q'uipaca huairapi puric cóndor shinami carca.

APOCALIPSIS 4:7 Iomraidhean Croise

GÉNESIS 49:9

Ñuca huahua Judalla, canca huahua león shinami cangui. Micushpaca jatun león shinami, aicha cuchullapitac sirirircangui. Chaipica, ¿pitac chayaringayari?

2 SAMUEL 1:23

Saulpish, Jonatanpish yallitami cuyanacuccuna carca. Causaipipish, huañuipipish manatac chicanyarircacunachu. Paicunaca aguilatapish yalli callpaccunami carca. Leontapish yalli sinchicunami carca.

PROVERBIOS 28:2

Llactapi causaccuna mana cazushcamantami mandaccunaca shuctac shuctac ricurin. Ashtahuanpish yachaisapa mandacca pipish mana cuyuchipac mandacunllami.

ISAÍAS 40:31

Ashtahuanpish Mandac Diosta shuyashpa causaccunaca mushuc fuerzatami japinga. Volac animalcuna shinami, mana shaicunga. Yallita purishpapish, yallita callpashpapish mana fuerza illac saquiringachu.

EZEQUIEL 1:10

Paicunapac ñahuicunaca cashnami carca: Ñaupa ladomanca gentepac ñahui shina, alli ladomanca leonpac ñahui shina, lluqui ladomanca huagrapac ñahui shina, huasha ladomanca aguilapac ñahui shinami carca.

EZEQUIEL 1:8

Paicunapac alas ucupica chuscu ladomanmi gente maquita charirca. Chuscu ladomanmi ñahuitapish, alastapish charirca.

EZEQUIEL 10:14

Tucui querubincunami chuscu ladoman ñahuita charirca. Shuc lado ñahuica querubinpac, caishuc lado ñahuica gentepac, caishuc lado ñahuica leonpac, caishuc lado ñahuica aguilapac ñahui shinami carca.

EZEQUIEL 10:21

Tucuimi chuscu ñahuita, chuscu alasta charirca. Paicunapac alas ucupica gentepac maquiman ricchami carca.

DANIEL 7:4

Punta animalca león shinapish, anga shina alascunayucpishmi carca. Ñuca ricucucllapitacmi paipac alascunata piticpi, pambamanta jatarishpa, runa shina ishcai chaquihuan jatarirca. Chai animalmanca runapac yuyaitami curca.

ABDÍAS 1:4

Anga shina jahuaman vola rishpa, lucerocuna chaupipi cuzhata ruhuacpipish, chaimantami urmachisha. Chaitaca Mandac Dios ñucami nini.

NÚMEROS 23:24

Cai gentecunaca León huacac shinami jatarin. Leonca ima animalta japishpa, yahuarta ubiangacamanmi mana samarin. Chai shinami cai gentecunaca jatarin» nirca.

NÚMEROS 24:9

León samarishpa siricuc shinami. Mama león sueñushpa siricucpica, ¿pitac ricchachingayari? ¡Paicunata bendiciaccunaca bendiciashca cachun! ¡Cutin paicunata maldiciaccunaca maldiciashca cachun!» nirca.

1 CORINTIOS 14:20

Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.

APOCALIPSIS 4:6

Shinallatac jatun mandac mandashpa tiyarina ñaupapica, cristal jagan nicuc shina shuc jatun cuchaman ricchami carca. Chai tiyarinapac cuchulla muyundicpica, ñaupamanpish, huashamanpish ñahui murucuna junda causaita charic chuscucunami carca.

APOCALIPSIS 6:3

Ishcainiqui sellota Pactalla Oveja pascacpica, chai causaita chariccunamanta ishcainiqui rimashpaca: «¡Shamui!» nictami uyarcani.

APOCALIPSIS 6:5

Quimsaniqui sellota Pactalla Oveja pascacpica, chai causaita chariccunamanta quimsaniqui rimashpaca: «¡Shamui!» nictami uyarcani. Chaimantaca shuc yana caballotami ricurcani. Chai caballopi tiyacucca paipac maquipi shuc balanzatami charicurca.

APOCALIPSIS 6:7

Chuscuniqui sellota Pactalla Oveja pascacpica, chai causaita chariccunamanta chuscuniqui rimashpaca: «¡Shamui!» nictami uyarcani.