APOCALIPSIS 3:18 - Dios Rimashcata Quillcashcami

¹⁸ Chaimantami ñucaca, ninapi rupachishca curita ñucamanta randishpa chayucyai, lluchulla pingaipi cashcata ama pi ricuchun, yuranlla churanata randishpa churari, ñahui alli ricuchunpish, jambita randishpa churari nini.

Nuevo Testamento en Quichua Cañar 1996

¹⁸ Chaimantami ñucaca: ‘Ninapi rupachishca curita ñucamanta randishpa chayucyaichic’ nini. Shinallatac: ‘Cancuna lluchulla pingailla cashcata ama pi ricuchun, yuraclla churanata randishpa churarichic’ ninimi. ‘Ñahui alli ricuchunpish, jambita randishpa churarichic’ ninimi.

APOCALIPSIS 3:18 Iomraidhean Croise

SALMOS 107:11

Chaica paicunallatac Mandac Dios rimashcacunata, jahua pachapi causac Dios cunashcata mana uyashcamantami chashna llaquichishca carcacuna.

SALMOS 16:7

Mandac Diostaca alli nishami. Paimi ñucataca sumacta riman. Tutacunaca ñuca yuyaipimi riman.

SALMOS 32:8

Canmi: «Allita entendichishpa yachachishpa can purina ñanta ricuchisha. Ñuca ñahuihuanmi cantaca ricurasha.

SALMOS 73:24

Canca cunashpami ñucataca pushangui. Quipataca alli nishpami chasquingui.

PROVERBIOS 1:25

Ashtahuanpish ñuca cunashcatapish, ñuca rimashcatapish mana munarcacunachu.

PROVERBIOS 1:30

Ñuca cunashcata mana uyasha nishpami, jarcashpa rimacpipish yangalla cashcata yuyarcacuna.

PROVERBIOS 19:20

Cunashcatapish, alli causachun rimashcatapish chasquingui. Chaicunata uyashpami yachac tucungui.

PROVERBIOS 23:23

Cashcata nishpa causanatapish, alli yachaitapish, alli yuyaita cushcatapish randic shina chasquishpaca, ama catunguichu.

ECLESIASTÉS 8:2

Dios-huan ari nishcamanta jatun mandac mandashcata cazungui nishpami alli yuyaita cuni.

ISAÍAS 47:3

Churanacunata anchuchishpa lluchulla pingaihuan shayacuiyari. Can llaquichishca shinallatacmi cantapish llaquichisha. Cantaca pipish mana quishpichingachu» ninmi.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

JEREMÍAS 13:26

Ñucallatacmi cambac churanataca ñahuicaman llatanachishpa ricuchishpa pingaichisha.

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

MIQUEAS 1:11

¡Safir llactapi causaccunalla, pingaihuan ñaupashpa richicyari! Zaanán llactapi causaccunaca mana llucshincunachu. Bet-esel llactapi causaccunaca llaquihuan cashcamantami cancunataca mana ayudanga.

NAHÚM 3:5

Tucuita Mandac Diosca: «¡Ñucami canta llaquichigrini! Cambac churanacunata cambac ñahuicaman llatanashpami shuctac llactacunaman ricuchisha. Chashnami jatun mandaccunapac ñaupapi shayachishpa pingaichisha.

MALAQUÍAS 3:3

Paimi Levipac huahuacunataca chuyayachinga. Chaimantami curita, cullquita chuyayachic shina, juchacunata anchuchishpa chuyayachingapac tiyaringa. Cullquita ninapi rupachishpa, chuyayachic shinami mapata anchuchinga. Shina ruhuacpimi, cashcata ruhuashpa, Mandac Diosman ofrendata cunga.

SAN MATEO 13:44

Jahua pacha Dios mandacucca curita allpapi pacashca shinami. Chai pacashcata shuc runa tarishpaca, chaillapitacmi pacashpa saquinman. Quipaca cushicushpami pai tucui charishcacunata catushpa, chai allpata randinman.

SAN MATEO 25:9

Shina nicpimi, chai alli yuyaiyuc solteracunaca: “Ñucanchicmanpish, cancunamanpish faltangami. Catuccunapacman rishpa, cancunallatac randigrichic” nirca.

SAN LUCAS 12:21

Quiquinpaclla charinata munaccunaca, Diospac ñaupapica imata mana charinchu. Chaica chashnatacmi» nirca.

2 CORINTIOS 5:3

Chai shina churanata mudarishpaca, ña mana lluchulla cashunchu, ashtahuanpish Dios allichishca cuerpohuanmi cashun.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.

APOCALIPSIS 16:15

«Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga»

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.

APOCALIPSIS 2:9

Can ima shina llaquicunata apacushcatapish, can huaccha cashcatapish yachanimi. Shina cashpapish canca chayucmi cangui. Maijan: ‘Israelcunami canchic’ niccuna, canta mana alli nishpa, rimac cashcatapish yachanimi. Chaicunaca mana israelcunatacchu, ashtahuanpish Satanaspacta ruhuangapac tandanacuccunami.

APOCALIPSIS 3:17

Canca, ñucaca chayucmi cani, imapish mana illanchu, tucuipimi alli ricuni nicunguimi. Ashtahuanpish imatapish mana charic, lluchulla, ñahui mana ricuc, misa, pipish mana cuyashca cashcataca mana yachanguichu.

APOCALIPSIS 4:4

Shinallatac chai jatun mandac mandashpa tiyarina muyundicpica, ishcai chunga chuscu mandashpa tiyarinapi ishcai chunga chuscu yuyaccuna tiyacuctami ricurcani. Paicunaca yuranlla churanata churashca, umapipish curi coronata churashcami carca.

APOCALIPSIS 7:13

Shina cacpimi chai yuyaccunapuramanta shucca: «Chai yuranlla churanata churashcacunaca, ¿picunatac, maimantatac shamushca?» nishpa, ñucaman tapurca.