APOCALIPSIS 3:10 - Dios Rimashcata Quillcashcami

¹⁰ Mana piñaric alli shungu cai nishpa ñuca mandashcata pactachinata mana saquishcamantami shamuc punzhapi cai pachapi causaccunata ima shina cashcata ricungapac llaquicuna shamucpica, cantapish huacaichisha.

Nuevo Testamento en Quichua Cañar 1996

¹⁰ Cancuna ñuca mandashcacunata pactachinataca ‘saquishallami’ ninataca mana nishcanguichicchu. Chaimantami shamuc punzhapi cai pachapi causaccuna ima shina cashcata ricungapac llaquicuna shamucpi, cancunatapish huacaichisha.

APOCALIPSIS 3:10 Iomraidhean Croise

ISAÍAS 24:17

Cai pachapi causaccunalla, cancunamanca yallita manchana jutcu urmachic tucllami llaquichingapac shuyacun.

DANIEL 12:10

Achcacunami tucui mapata anchuchishpa, yuranlla chuya canga. Cutin Diosta mana manchaccunaca chashnallatacmi Diosta mana manchashpa catingacuna. Paicunapuramanta shucllapish imata mana entendingachu. Ashtahuanpish alli yachaccunaca entendingami.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

SAN MATEO 24:14

Dios mandacucmanta alli huillaica tucui llactacunapimi huillashca canga. Chai quipami cai pachaca tucuringa.

SAN MATEO 26:41

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

MARCOS 14:9

Tucui cai pachapi maipipish alli huillaita huillacushpaca, cai huarmi ruhuashcatapish huillangami. Chashnami paita yuyaringa. Chaica chashnatacmi canga— nirca.

SAN LUCAS 2:1

Chai punzhacunapica Roma llactata jatun mandac Augustomi, tucui llactapi causaccuna shuticunata quillcachichun mandarca.

SAN JUAN 17:6

Cai pacha gentecunamanta can acllashpa, ñucaman cushcacunamanca, ñami can pi cashcataca huillashcani. Cambacmi carcacuna, canmi ñucaman curcangui. Paicunaca can rimashcacunata cazushcacunami.

ROMANOS 1:8

Puntaca cancuna crishca tucui llactacunapi uyarishcamantami, Jesucristopac shutipi Diosta pagui nini.

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

EFESIOS 6:13

Chaimantami millaihuan macanacuna punzhacunapi macanacushpa mishangapacca, Dios cushca macanacunataca, churanata churarishca shina churarichic. Macanacungapac ña tucui allichirishca quipaca, “macanacungapac shuyacuichiclla” ninimi.

2 TIMOTEO 2:12

Llaquicunata apashpaca, paihuanmi mandashun. Pingashpa ‘mana paipacchu cani’ nicpica, paipish ‘mana ñucapacchu cangui’ ningami.

SANTIAGO 3:12

Ñuca cuyashca criccuna, higo yuraca olivos murutaca mana pucunchu. Uvas yurapish higotaca mana pucunchu. Chashnallatacmi cachi yacupish, mishqui yacupish chaillamantacca mana tucyan.

1 PEDRO 4:12

Cuyashca criccuna, cric cashcata ricungapac rupachic shina llaquicuna japicpipish, “jaicapi mana japishca llaquicunami japin” nishpa, ama mancharichicchu.

2 PEDRO 2:9

Mandac Diosca paipaclla causaccunataca imapish llaquicunamanta quishpichinmi. Millai gentecunataca pai taripashpa, llaquichina punzhacamanmi huacaichishpa charicun.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuclla cashpami, cancunahuan pacta Dios mandacucpi cashpa, cuyac shunguhuan ima llaquitapish apana yuyailla cani. Dios, Jesusman huillachishcata ñuca huillashcamantami, yacu chaupipi cac Patmos llactapi prezu carcani.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.

APOCALIPSIS 13:10

«Maijanpish prezu apana cacca prezu apashcami canga. Espadahuan huañuchina cacca espadallahuantacmi huañuchishca canga». Chashna tucucpica mana piñarishpami Diospaclla caccunaca Diosta crishpa catina can.

APOCALIPSIS 13:14

Cai manchana animalca punta shamuc animalpac ñaupapi chashna ruhuashpa ricuchishpami cai pachapi causaccunata umarca. Chaipac quipaca, chai punta animalca espadahuan huañunallata chugrichishca cashpapish, causashpa catinmi, chaimanta chai animalman ricchata ruhuaichi nishpami mandarca.

APOCALIPSIS 13:8

Tucui cai pachapi causaccunami chai animaltaca “allimari cangui” nircacuna. Chaicunaca cai pachata Dios ruhuashca punzhamanta pacha huiñaita causangapac rina, huañuchishca cac Pactalla Oveja charicuc libropi shutita mana quillcashcacunami can.

APOCALIPSIS 14:12

Chaimantami Diospaclla caccunaca Dios mandashcacunata cazushpa, mana shaicushpa Jesusta alli caticcuna cashcata ricuchingacuna.

APOCALIPSIS 14:6

Chai quipaca shuc ángel jahuata volacuctami ricurcani. Chai angelca tucui llactacunapi causaccunaman, tucui aillucunaman, tucuilaya rimaita rimaccunaman, shinallatac tucuilaya gentecunaman huiñaicaman cac alli huillaita huillangapac huillanatami charicurca.

APOCALIPSIS 16:14

Chaicunaca pi mana ruhuaipacta ruhuashpa ricuchic, supaipac millai espiritumi carca. Chaicunaca tucui cai pachapi tiyac jatun mandaccunapacman rishpami, tucui poderta charic Diospac jatun macanacuna punzhapi macanacungapac tandachigrirca.

APOCALIPSIS 17:2

Chai huarmihuanmi cai pachapi tiyac jatun mandaccunaca huainayarca. Tucui llacta gentecunapish paihuanmi vinota ubiashpa machac shina huacllirircacuna» nirca.

APOCALIPSIS 17:8

Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacmi, jatun jutcumantaca llucshinga. Dios cai pachata ruhuashca punzhamanta pacha, huiñaita causangapac rina libropi mana quillcashca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami mancharingacuna.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

APOCALIPSIS 3:8

Ñucaca can imata ruhuacushcataca tucuimi yachani. Chaimantami cambac ñaupapica pi mana huichcaipac punguta shina ñucamanta huillachunca pascashpa churashcani. Mana tucuita ruhuaipac cashpapish, ñuca nishcata pactachishcanguimi, shinallatac ñucata mana ricsinichu ninatapish mana nishcanguihu.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.

APOCALIPSIS 8:13

Chai quipaca shuc cóndor jahuata volashpa puricuctami ricurcani. Shina puricushpa sinchita rimashpaca: «¡Cai pachapi causaccunalla! ¡Caishuc quimsa angelcuna tocacpica, aij, imachari tucunga!» nircami.