APOCALIPSIS 21:26 - Dios Rimashcata Quillcashcami

²⁶ Chaimanca tucui llactacunamantami ima sumaccunatapish, ima charishcacunatapish apangacuna.

Nuevo Testamento en Quichua Cañar 1996

²⁶ Shinallatac chaimanca tucui llactacunamantami ima sumaccunatapish, ima charishcacunatapish apangacuna.

APOCALIPSIS 21:26 Iomraidhean Croise

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 60:11

Llacta pungucunaca punzhantami pascashca canga. Tutapish, punzhapish mana huichcashcachu canga. Shuctac llactamanta ima charishcacunata apamuchun, chai llactacunata jatun mandaccunata cambacman pushachunmi chashnaca pascashca canga.

ISAÍAS 60:16

Shuc huahua lecheta chuchuc shinami, shuctac llactacunamanta imacunata chasquishpa causangui. Mama chuchuchic shinami, jatun mandaccunaca imatapish caranga. Shina ruhuacpimi, Mandac Diosca quishpichic cashcata, Jacobota sinchiyachic cashcata yachangui.

APOCALIPSIS 21:24

Chai pueblo achicyachicpimi, tucui llactacunapi causaccunaca achicpi puringacuna. Shinallatac cai pachapi causac jatun mandaccunapish tucui ima charishcacunatami chaimanca apangacuna.