APOCALIPSIS 21:1 - Dios Rimashcata Quillcashcami

¹ Chai quipaca ñaupaman cac jahua pachapish, cai pachapish shinallatac mama cucha yacupish chingaricpica, jahua pachatapish, cai pachatapish mushuc cashcatami ricurcani.

Nuevo Testamento en Quichua Cañar 1996

¹ Chai q'uipaca ñaupaman cac jahua pachapish, cai pachapish shinallatac mama cucha yacupish chingaricpi, jahua pachatapish, cai pachatapish mushuc cashcatami ricurcani.

APOCALIPSIS 21:1 Iomraidhean Croise

ISAÍAS 27:1

Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 57:20

Diosta mana cazuccunaca mama cucha huacyashpa, turuta, arenata shitacuc shinami.

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

DANIEL 7:3

Shinallatac mama cuchamanta chican chican chuscu manchana jatun animalcuna shamucuctapish ricurcanimi.

ROMANOS 8:21

Chaimantami Diosca tucui pai ruhuashcacunata huatashca shinamanta cacharichinga. Chashnami paipac huahuacunata ruhuashpa, alli ninga.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

2 PEDRO 3:13

Shina cashpapish ñucanchicca Dios cusha nishca mushuc jahua pachata, mushuc cai pachatami shuyacunchic. Chaipimi imapish cashcatac ruhuashpa causashun.

APOCALIPSIS 13:1

Mama cucha ladopi cac tio allpapi shayacushpami yacumanta shuc manchana animal llucshicta ricurcani. Chai animalca canchis umayuc, chunga gachuyucmi carca. Chai gachucunapica coronatami charirca. Shinallatac umacunapica, Diosta piñachishpa quillcashcacunatami charirca.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

APOCALIPSIS 21:5

Chai quipaca mandashpa tiyarinapi tiyacucca: «Ñucaca tucuitami mushucta ruhuani» nirca. Shinallatac paica: «Quillcai, cai ñuca rimashcacunaca chashna pactanatac, shinallatac mana llullachu» nirca.

APOCALIPSIS 6:14

Jahua pachaca shuc papelta tandac shinami tucui chingarirca. Urcucunapish, yacu chaupipi cac allpacunapish maipi cashcamanta tucuimi cuyurirca.