APOCALIPSIS 20:4 - Dios Rimashcata Quillcashcami

⁴ Chai quipaca mandashpa tiyarinacunapi taripanata chasquiccuna tiyacuctami ricurcani. Shinallatac Diosmantapish, Jesucristomantapish huillashpa mana cungarishpa catishcamanta, cungata pitishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.

Nuevo Testamento en Quichua Cañar 1996

⁴ Chai q'uipaca mandashpa tiyarinacunapi taripanata chasquiccuna tiyacuctami ricurcani. Shinallatac Taita Diosmantapish, Jesucristomantapish huillashpa mana cungashpa c'atishcamanta, cungata p'itishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.

APOCALIPSIS 20:4 Iomraidhean Croise

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

DANIEL 7:18

Shina shamucpipish, chai mandanataca jahua pachapi causac Diospaclla caccuna japishpami, huiñai huiñaita mandanga” nirca.

DANIEL 7:22

Chashna cacpimi, Yuyac Runa shamushpa Diospaclla caccunaman cashcata ruhuarca. Chashna ruhuacpimi, Diospaclla caccuna mandanata japina punzha chayamurca.

DANIEL 7:27

Chaipimi cai pacha mandanatapish, jahua pacha ucupi tiyac sinchi mandanacunatapish jahua pacha Diospaclla caccunaman cunga. Paicunaca huiñaitami mandanga. Tucui jatun mandaccunami paicunata cazushpa servinga” nirca.

DANIEL 7:9

Chashna ricucucllapitacmi mandaccuna tiyarinata churashpa, shuc yuyac runata tiyachirca. Chai runaca rasu shina yuranlla churanata churashca, acchaca chuya oveja millma shina yuranllami carca. Chai mandashpa tiyarinapish, chai tiyarinapac ruedacunapish rupacuc shinami carca.

MALAQUÍAS 4:5

Mandac Dios ñuca shamuna punzha, jatun mancharina punzha manarac shamucpimi, ñuca ima nishcata huillac Eliastaca cachani.

SAN MATEO 19:28

Chaimantami Jesusca: —Cai pachata Dios mushucta ruhuacucpimi, Runa Tucungapac shamushca ñucaca, sumaimana achicllapi mandai callarisha. Chaipica cancunapish ñucata caticcuna cashcamantaca, chunga ishcai mandaccuna mandashpa tiyarinapi tiyarishpami, chunga ishcai Israel aillucunata mandanguichic. Chaica chashnatacmi canga.

SAN MATEO 24:10

Chai punzhacunapica, taucacunami crinata saquishpa, caishuc chaishuc piñanacushpa prezuchinga.

MARCOS 6:16

Chaita Herodes uyashpaca: —Chai runaca Juanmi canga. Paitaca ñucami cungata pitishpa, huañuchichun mandarcani. Paimi huañushcacunapuramanta causarishca canga— nirca.

MARCOS 6:27

Chaimantami mandac Herodesca Juanpac umata pitishpa apamuchun, shuc soldadota cacharca.

MARCOS 9:11

Chaimantami Jesustaca: —¿Ima nishpatac mandashcacunata yachachiccunaca: “Ñaupa huillac Eliasracmi shamunga” nincuna?— nishpa tapurca.

SAN LUCAS 1:17

Juanca Quishpichicpac ñaupatami ringa. Huillac Elías shinami, Diospac Espirituhuan, poderhuan ringa. Paimi taitacunahuan, huahuacunahuan piñanacushcatapish alli allichinga. Mana cazuccunatapish cashcata ruhuanata yachachishpami, yuyaita cunga. Chashnami Quishpichic shamucpica, alli chasquina yuyaita charinga— nirca.

SAN LUCAS 14:14

Chashna mana cutichipaccunaman carashcamantaca, cushicunguimi. Chaica, cashcata ruhuaccuna causarimui punzhapimi, Diosca canmanca cutichinga— nirca.

SAN LUCAS 22:30

Cancunaca ñuca mandacucpimi, mizapi tiyarishpa ñucahuan micunguichic, ubianguichic. Mandashpa tiyarinapi tiyarishpami, Israelpac chunga ishcai aillucunata mandanguichic— nirca.

SAN JUAN 14:19

Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

ROMANOS 11:15

Israelcunata Dios shitacpi, tucui cai pachapi causaccuna Diospacman cuchuyashca cacpi, ¡israelcuna Dios chasquicpicarin, huañushcacuna causarishca shinami canga!

ROMANOS 8:17

Paipac huahuacuna cashpaca, pai cusha nishcatapish Cristohuan pacta japishunmi. Apunchic Jesucristo llaquita apashca shina llaquita apashpami, alli nishca cashun.

2 TIMOTEO 2:12

Llaquicunata apashpaca, paihuanmi mandashun. Pingashpa ‘mana paipacchu cani’ nicpica, paipish ‘mana ñucapacchu cangui’ ningami.

APOCALIPSIS 1:2

Dios ima nishcataca Jesucristo ñucaman huillacpi, chaita allita ricushpa huillac Juanmi cani.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuclla cashpami, cancunahuan pacta Dios mandacucpi cashpa, cuyac shunguhuan ima llaquitapish apana yuyailla cani. Dios, Jesusman huillachishcata ñuca huillashcamantami, yacu chaupipi cac Patmos llactapi prezu carcani.

APOCALIPSIS 11:11

Ashtahuanpish quimsa punzha chaupi tucucpica, causaita cuc espirituta Dios cachacpimi, paicunaca causarishpa jatarirca. Chaita ricuccunaca yallitami mancharirca.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.

APOCALIPSIS 11:7

Tucuita huillashca quipaca, manchaipac animal jatun jutcumanta llucshishpami, paicunahuan macanacushpa, atishpa huañuchinga.

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

APOCALIPSIS 14:11

Chai jatun llaquimantami cushnica huiñaita llucshicunga. Chai manchana animaltapish, paiman ricchatapish ‘allimari cangui’ nishpa, paipac shutita alli nishpa sellota apaccunamanca tutapish, punzhapish llaquimanta samarinaca mana tiyangachu» nirca.

APOCALIPSIS 15:2

Shinallatac cristalman riccha jatun cucha yacu, ninahuan chapushcatami ricurcani. Chai yacu cucha patapica manchana animaltapish, paiman ricchatapish mishashpa, paipac shuti yupaitapish mana chariccuna Dios cushca tocana arpacunata apashpa shayacuctami ricurcani.

APOCALIPSIS 17:8

Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacmi, jatun jutcumantaca llucshinga. Dios cai pachata ruhuashca punzhamanta pacha, huiñaita causangapac rina libropi mana quillcashca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami mancharingacuna.

APOCALIPSIS 2:26

Maijanpish tucuringacaman ñuca nishcata cazushpa millaita mishacmanca, llactacunata mandanatami cusha.

APOCALIPSIS 20:6

Maijanpish chai punta causarinapi causariccunamanca, ¡mai cushicuimi canga! Paicunaca Diospaclla cac acllashcacunami can. Quipa huañuica imata paicunataca mana ruhuangachu, ashtahuanpish paicunaca Diospactapish, Cristopactapish ruhuac curacunami canga. Shinallatac paicunami Cristohuanca huaranga huatata mandangacuna.

APOCALIPSIS 22:5

Mandac Diosllatac achicyachicucpimi, tutaca ña mana tiyanga. Shina cacpimi intipish, achicyachic lamparapish achicyachingapacca mana tiyana can. Shinallatac paicunaca huiñai huiñaitami mandangacuna.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

APOCALIPSIS 4:4

Shinallatac chai jatun mandac mandashpa tiyarina muyundicpica, ishcai chunga chuscu mandashpa tiyarinapi ishcai chunga chuscu yuyaccuna tiyacuctami ricurcani. Paicunaca yuranlla churanata churashca, umapipish curi coronata churashcami carca.

APOCALIPSIS 6:9

Pichcaniqui sellota Pactalla Oveja pascacpica, Diosmanta allita huillashcamanta huañuchishcacunapac almacuna altar ucupi cactami ricurcani.

APOCALIPSIS 7:3

«Ñucanchic Diospacta ruhuaccunapac frentepi sellota churangacaman cai pacha allpatapish, mama cucha yacutapish, ima yuratapish ama imata ruhuanguichicchu» nirca.