APOCALIPSIS 20:1 - Dios Rimashcata Quillcashcami

¹ Chai quipaca jahua pachamanta shuc ángel jatun jutcuta llavina llaveta jatun cadenandi paipac maquipi apashpa urai shamucuctami ricurcani.

Nuevo Testamento en Quichua Cañar 1996

¹ Chai q'uipaca jahua pachamanta shuc ángel urai shamucuctami ricurcani. Paica ucu pacha jutcuta llavina llavetami jatun cadenandic paipac maquipi charicurca.

APOCALIPSIS 20:1 Iomraidhean Croise

SAN LUCAS 8:31

Chai supaicunaca: —Ama ñucanchicta ucu pacha jutcuman cachaichu— nishpami mañarca.

2 PEDRO 2:4

Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

SAN JUDAS 1:6

Shinallatac angelcunatapish, paicuna mandacushca jahua sumac causanata shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

APOCALIPSIS 18:1

Chai quipaca mai poderta charic, shuc ángel jahua pachamanta urai shamucuctami ricurcani. Chai ángel paipac sumaimana cashcahuan achicyachicpimi, cai pachaca punzha shina achicyarca.

APOCALIPSIS 20:3

Chashna huatashpaca, jatun jutcuman shitashpami punguta huichcashpa, sellashpa churarca. Chaitaca huaranga huatacuna tucungacamanmi, gentecunata ama crichichun chashnaca ruhuarca. Chai quipaca ashacaman cacharishcami canga.