APOCALIPSIS 19:7 - Dios Rimashcata Quillcashcami

⁷ Pactalla Ovejapac cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Diostaca ‘sumacmari cangui’ nishunchic!

Nuevo Testamento en Quichua Cañar 1996

⁷ Pactalla Ovejapac*f** cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Taita Diostaca ‘sumacmari cangui’ nishunchic!

APOCALIPSIS 19:7 Iomraidhean Croise

SALMOS 107:42

Allita ruhuaccuna chaita ricushpa cushicuichicyari. Ashtahuanpish mapata tucui ruhuaccunaca upallachishcami canga.

SALMOS 48:11

Can cashcata ruhuashcamantaca Sión urcupipish, Judá llactapi causaccunapish yallitami cushicunga.

SALMOS 9:14

Chashna ruhuacpimi, Sión pungupi canta alabana cashcata tucuiman huillashpa, can quishpichic cashcamantaca yallita cushicusha.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

CANTARES 3:11

¡Sionpi causac solteracunalla, jatun mandac Salomonta ricungapac llucshichicyari! Paipac shungu cushicui punzhapi, pai cazarai punzhapi, paipac mama churachishca coronata churashcami shamucun.

ISAÍAS 52:1

¡Sión llactalla, ricchariyari! ¡Sinchiyaiyari! Diospaclla llacta Jerusalenlla, sumac churanata churariyari. Circuncisionta mana ruhuashca runapish, mapa runapish mana cutin yaicungachu.

ISAÍAS 62:5

Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.

ISAÍAS 66:10

Jerusalenta cuyaccunaca paihuan yallita cushicuichicyari. Tucui paimanta yana churanata churarishpa llaquilla caccunaca yallita cushicuichicyari.

ISAÍAS 66:14

Cancunaca chaita ricushpami, tucui shunguhuan cushicunguichic. Cancunapac tullucunapish quihua sisac shinami mushucyanga. Mandac Diosca paipac poderta paita serviccunaman ricsichingami. Ashtahuanpish paita piñaccunataca piñangami.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN MATEO 1:20

Pai chaita yuyacucpi, Dios cachashca ángel muscuipi ricurishpaca: «Davidpac huahua huahuapura José, Mariahuanca cazarailla, ama manchaichu. Mariaca Diospac Espiritumantami huicsayuc tucushca.

SAN MATEO 22:2

«Jahua pacha Dios mandacucman yaicunaca shuc jatun mandac paipac churita cazarachishpa,

SAN LUCAS 12:36

Shinallatac cazarana bodamanta amo cutimushpa pungupi huactacpi, pascangapac chaparacuc serviccuna shina caichic.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

2 CORINTIOS 11:2

Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.

EFESIOS 5:23

Cristoca tandanacushca criccunata uma shina Mandacmi. Cusapish huarmitaca uma shina mandacmi. Jesucristoca tandanacushca criccunata Quishpichicmi. Tandanacushca criccunaca Jesucristopac cuerpomi can.

EFESIOS 5:32

Caica pacashca jatun huillaimi. Shina cacpipish, ñucaca Jesucristohuan, tandanacushca criccunahuan ima shina cana cashcatami entendishpa huillani.

DEUTERONOMIO 32:43

¡Llactacunalla, Dios acllashca llactata alli nichicyari! Paipac servicta huañuchiccunataca huañuchingami. Paimi, paita piñaccunata huañuchinga. Pai acllashca llactacunapac juchata pichangapacmi chashnaca ruhuanga» nirca.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

APOCALIPSIS 11:13

Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

APOCALIPSIS 19:9

Chai angelca ñucataca: «Caita quillcai: “Pactalla Ovejapac bodaman cayashcacunaca mai cushicuimi cancuna” ni. Cai rimashca shimicunaca mana llullachu, ashtahuanpish Dios rimashcami» nirca.

APOCALIPSIS 21:2

Shinallatac jahua pacha Diospac ñaupamanta Diospaclla cac mushuc Jerusalén pueblo, novia cusahuan tupangapac allichirishca shina urai shamucuctami ricurcani.

APOCALIPSIS 21:9

Chai quipaca canchis tucurina llaquicunata copapi charicuc, chai canchis angelcunapuramanta shuc ángel shamushpami ñucataca: «Shamui, Pactalla Ovejapac huarmi cana novia allichishcata ricuchisha» nirca.

1 SAMUEL 2:1

Ana Diosta mañashpaca: «Ñuca shunguca Mandac Diospimi cushicun. Mandac Diosmantami ñucaca imatapish ruhuaclla cani. Can quishpichishcamanta cushicushpami, ñuca shimipish ñucata piñaccunata rimangapac pascarirca.