APOCALIPSIS 19:6 - Dios Rimashcata Quillcashcami

⁶ Chai quipaca achca gentecuna yacu huaj nicuc shina, relampa tulun nic shina rimacuctami uyarcani. Paicunaca: «¡Ñucanchicta Mandac, tucui imatapish ruhuac Diosca mandai callarishcami! ¡Chaimanta paitaca tucuilla alli nishca cachun!

Nuevo Testamento en Quichua Cañar 1996

⁶ Chai q'uipaca achca gentecuna yacu huaj nicuc shina, relampa tulun nic shina cashna rimacuctami uyarcani: —¡Ñucanchicta Mandac, tucui imatapish ruhuac Diosca mandai callarishcami! ¡Chaimanta paitaca tucuilla alli nishca cachun!

APOCALIPSIS 19:6 Iomraidhean Croise

JOB 40:9

¿Canca, ñuca shinachu sinchi rigrayuc cangui? ¿Can rimashcaca ñuca rimashca shinachu culun nishpa uyarin?

SALMOS 47:2

Jahua pachapi causac Mandac Diosca manchana jatun Diosmi. Tucui cai pachata jatun Mandacmi.

SALMOS 47:7

Dios tucui cai pachata jatun mandac cashcamantaca sumac cantocunahuan cantaichicyari.

SALMOS 77:18

Canca acapana huairapimi tulun nishpa uyarircangui. Cai pachatapish cambac relampahuanmi achicyachircangui. Allpapish manchaihuanmi chucchurca.

SALMOS 93:1

¡Mandac Diosmi tucuita mandacun! Paica sumac achiclla churana churarishcami. Paica tucuita ruhuac cashcahuanmi churanata churarishca shina, chumbillishca shinapish can. Paimi cai pachataca pi mana cuyuchipacta sinchita ruhuarca.

SALMOS 97:1

¡Mandac Diosca mandacunmi! ¡Tucui cai pachapi causaccuna cushicuichicyari! ¡Mama cucha patapi causac llactacunapish cushicuichicyari!

SALMOS 97:12

Cashcata ruhuaccuna Mandac Dios-huan cushicuichicyari. Paitaca jucha illac cashcata yuyarishpa alli nichicyari.

SALMOS 99:1

¡Mandac Diosmi mandacun, tucui gentecunaca chucchungami! Paipac mandanaca querubincunapac jahuapimi. Tucui cai pachami cuyuringa.

ISAÍAS 52:7

¡Cushichic alli huillaita huillangapac jahua urcuta callpashpa shamuc runaca sumacmari! Chai runaca cushi causaimantapish, quishpirinamantapish, imapish allicunallatami huillan. Sionpi causaccunamanpish: «¡Cancunapac Diosmi mandagrin!» nishpami huillan.

JEREMÍAS 51:48

Jahua lado llactamantami Babilonia llactata llaquichingapac shamunga. Paicuna shamushpa, tucui tucuchicpica, jahua pachapish, cai pachapish, chaipi tiyaccunapish cushicushpami cantanga.

EZEQUIEL 1:24

Paicuna puri callaricpi, alascunaca achca yacu huaj nicuc shina, Tucuita Ruhuac rimashca shina, achca runacuna puricuc shina, soldadocuna puricuc shinami uyarirca. Paicuna shayarishpaca, uraimanmi alascunataca churarca.

EZEQUIEL 43:2

Chaipimi inti llucshina ladomanta Diospac sumaimana achic nicuc shamucta ricurcani. Chaica jatun yacu huaj nic shina shamushpami, cai pachata taparca.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

APOCALIPSIS 1:15

Paipac chaquicunapish bronceta ninapi rupachishpa llambushca shinami jagan nicurca. Paipac rimashcaca yacucuna huactarishpa huaj nicuc shinami carca.

APOCALIPSIS 1:8

Sarunpish, cunanpish, shinallatac shamucpish tucui imatapish ruhuac Mandac Diosca: «Ñucami callari A shina, tucuri Z shina tucuita callarichicpish, tucuchicpish cani» ninmi.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.

APOCALIPSIS 14:2

Chaipac quipa jahua pachamantaca achca yacu huaj nicuc shina, urcucuna sinchita tulun nicuc shina, shinallatac tauca tocaccuna arpapi tocacuc shinami uyarirca.

APOCALIPSIS 19:1

Chai quipaca jahua pachapi achcacuna sinchita cashna nishpa caparishcatami uyarcani: «¡Ñucanchicta Mandac Diosllami quishpichicpish, sumac cushicuipish, tucui imatapish ruhuaclla can! ¡Chaimanta paitaca tucuilla alli nishca cachun!

APOCALIPSIS 19:4

Shina nicpimi chai ishcai chunga chuscu yuyaccunapish, chuscu causaita chariccunapish cungurishpa, mandashpa tiyarinapi cac Diostaca alli nircacuna. Paicunaca: «¡Chashna cachun!» «¡Cushicushpa alli nichi!» nircacuna.

APOCALIPSIS 21:22

Chai pueblopica tucui poderta charic Mandac Diospish, shinallatac Pactalla Ovejapish Diosta mañana huasi shina cashcamantami, chaipica Diosta mañana huasitaca mana ricurcani.

APOCALIPSIS 4:5

Chai jatun mandac mandashpa tiyarinamantaca relampacuna, rimashcacuna, shinallatac tulun nishcacunami llucshicurca. Shinallatac chai tiyarinapac ñaupapica canchis mechami japiricurca. Chaicunaca Diospac canchis Espiritumi.

APOCALIPSIS 6:1

Chai quipaca chai Pactalla Oveja canchispi sellashcamanta shucniqui sellota pascactami ricurcani. Shinallatac chai chuscu causaita chariccunamanta shucmi urcu tulun nic shina sinchita rimashpaca: «¡Shamui!» nicta uyarcani.

APOCALIPSIS 8:5

Chai quipa incienso churanata ángel japishpaca, altarpi tiyac nina brazasta jundachishpami cai pachaman shitarca. Chashna shitacpica, urcucuna tulun nishca, rimashcacuna, relampacuna achic nishca, shinallatac allpa chucchuimi tiyarca.