APOCALIPSIS 19:5 - Dios Rimashcata Quillcashcami

⁵ Chai quipaca mandashpa tiyarinamantami shuc rimashca uyarishpaca: «¡Diosta cazushpa paipacta ruhuaccunaca uchillacunapish, jatuncunapish ñucanchicta Mandac Diosta alabaichic!» nirca.

Nuevo Testamento en Quichua Cañar 1996

⁵ Chai q'uipaca mandashpa tiyarinamanta shuc rimashca uyarishpaca: —¡Diosta cazushpa paipacta ruhuaccunaca uchillacunapish, jatuncunapish ñucanchicta Mandac Diosta alli nichicyari!— nircami.

APOCALIPSIS 19:5 Iomraidhean Croise

SALMOS 115:13

Mandac Diosta manchaccunataca jatuncunatapish, uchillacunatapish bendiciangami.

SALMOS 134:1

Riqui, Mandac Diostaca alli nichicyari. Tucui paita serviccunapish, paipac huasita tuta cuidaccunapish alli nichicyari.

SALMOS 135:1

¡Mandac Diosta alabaichicyari! ¡Mandac Diosta serviccuna, paipac shutita alabaichicyari!

SALMOS 150:6

¡Tucui samaita chariccuna alabaichicyari! ¡Mandac Diosta alabaichicyari!

SALMOS 22:23

Tucui Mandac Diosta manchaccuna alabaichicyari. Tucui taita Jacobopac huahuacuna paitaca alli nichicyari. Taita Israelpac huahuacuna tucui mashna paita cazuichicyari.

APOCALIPSIS 13:16

Shinallatac uchillacunata cashpa, jatuncunata cashpa, huacchacunata cashpa, chayuccunata cashpa, alli lado maquipi, mana cashpaca frentepi sellota churachunmi mandarca.

APOCALIPSIS 16:17

Canchisniqui angelca huairapimi pai charicushca copata tallirca. Chashna tallicpica, jahua pachapi cac Diosta mañana huasipi mandashpa tiyarinamantami sinchita rimashpaca: «Ñami tucui tucuchishca» nishca uyarirca.

APOCALIPSIS 19:18

Chai micunaca jatun mandaccunata, soldadocunata mandaccunata, sinchi gentecunata, caballocunata, caballopi caccunata, serviccunata, mana serviccunata, jatuncunata, uchillacunata huañuchishca aichami can» nirca.

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac rina libropi quillcashcatapish pascashcatami ricurcani. Chai huañushcacunaca paicuna imata ruhuashca librocunapi quillcashca cashca shinami taripashca carca.

APOCALIPSIS 7:15

Chaimantami Diosta mañana huasipi, Dios mandashpa tiyarinapac ñaupapi tutapish, punzhapish paipacta ruhuancuna. Mandashpa tiyarinapi tiyacucmi paipac carpa huasipi paicunataca huacaichinga.