APOCALIPSIS 19:17 - Dios Rimashcata Quillcashcami

¹⁷ Shinallatac shuc ángel intipi shayacuctami ricurcani. Chaica jahuata volashpa puric, tucui alasyuc animalcunatami sinchita caparishpaca: «¡Dios allichishca jatun micuita micungapac tandarishpa shamuichic!

Nuevo Testamento en Quichua Cañar 1996

¹⁷ Shinallatac shuc ángel intipi shayacuctami ricurcani. Chaica jahuata volashpa puric, tucui alasyuc animalcunatami cashna nishpa sinchita caparirca: —¡Taita Dios allichishca jatun micuita micungapac tandarishpa shamuichic!

APOCALIPSIS 19:17 Iomraidhean Croise

ISAÍAS 29:2

Ashtahuanpish Ariel llactataca llaquihuan muspachigrinimi. Chaimantami yallita llaquirishpa huacanga. Chai llactaca animalta rupachina altar shinami tucunga.

ISAÍAS 56:9

Pambapi causac animalcunapish, sacha animalcunapish micungapac shamuichic.

JEREMÍAS 12:9

Ñuca acllashcacunaca, ¿manachu tucuilaya coloryuc volac animal huañuchishpa micuc angacunapac chaupipi tiyacuc shina? ¡Sachapi causac tucui millai animalcuna lambic shina tucuchingapac tandachishpa shamuichicyari!

EZEQUIEL 31:13

Chai urmashca yura sapi ucupica tucui volac animalcunami causanga. Chai ramacuna ucupica sacha animalcunami siriringa.

APOCALIPSIS 14:6

Chai quipaca shuc ángel jahuata volacuctami ricurcani. Chai angelca tucui llactacunapi causaccunaman, tucui aillucunaman, tucuilaya rimaita rimaccunaman, shinallatac tucuilaya gentecunaman huiñaicaman cac alli huillaita huillangapac huillanatami charicurca.

APOCALIPSIS 19:21

Shuccunataca caballopi montashca tiyacucpac shimimanta llucshicuc espadahuanmi huañuchishca carca. Paicunapac aichataca jahuata volashpa puric tucuilaya alasyuc animalcunami sacsacta micurca.

APOCALIPSIS 8:13

Chai quipaca shuc cóndor jahuata volashpa puricuctami ricurcani. Shina puricushpa sinchita rimashpaca: «¡Cai pachapi causaccunalla! ¡Caishuc quimsa angelcuna tocacpica, aij, imachari tucunga!» nircami.

1 SAMUEL 17:44

Shinallatac Filisteoca Davidtaca: —¡Cambac aichataca jahuata volac animalcunaman, sacha animalcunaman carangapac ñucapacman shamui!— nirca.