APOCALIPSIS 18:8 - Dios Rimashcata Quillcashcami

⁸ Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaimi canga. Mandac Dios imatapish ruhuaclla cashcamantami, paitaca juchanchishpa ninahuan rupachinga» nirca.

Nuevo Testamento en Quichua Cañar 1996

⁸ Chaimantami shuc punzhallapi paita llaquichic llaquicunaca japinga. Chai llaquicunaca huañuipish, huacaipish, shinallatac yarcaipishmi canga. Mandac Taita Dios imatapish ruhuaclla cashcamantami, paitaca juchanchishpa ninahuan rupachinga— nirca.

APOCALIPSIS 18:8 Iomraidhean Croise

JOB 9:19

Sinchimanta rimashpaca, ¡Paica tucui imatapish ruhuai pudinmi! Ñucata taripangapac apacpica, ¿Pitac ñucapac randi shayaringayari?

SALMOS 62:11

Mandac Dios rimashcataca ishcai cutinmi uyarcani. Paica: «Ñucami tucuita ruhuacpish,

ISAÍAS 27:1

Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.

ISAÍAS 9:14

Chaimantami Mandac Diosca israelcunataca animalta umata, chupata pitic shina, shuc yurata, ramacunandi pitic shina, shuc punzhallapi anchuchinga.

JEREMÍAS 50:31

Jatun tucushca llactalla, ñucami canhuanca piñarircani. Ñuca canta ñacachishpa, llaquichina punzhami chayamun. Tucuita Mandac Dios ñucami nini.

JEREMÍAS 50:34

Shina cacpipish, paicunata quishpichicca sinchimi. Paipac shutica tucuita Mandac Diosmi. Babilonia llactata llaquichishpami israelcunataca cacharichishpa samachisha. Babilonia llactapi causaccunamanca manchaitami cachasha.

JEREMÍAS 51:58

Babilonia llacta muyundi ancho pircapish tucuimi tuñiringa. Jatun pungucunapish uchupami saquiringa. Gentecunaca yangami trabajashca. Ninapi rupachunllami shuctac llacta gentecunapish yallita shaicushca» ninmi.

JEREMÍAS 51:6

¡Babilonia llactapi causaccunapac juchamanta mana huañungapac chaimanta llucshichicyari! Paicuna llaquichishca shinallatac paicunatapish Mandac Dios llaquichina punzhami chayamushca. Paicunaman cuna cashcatami cugrin.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

1 CORINTIOS 10:22

¿Apunchic Jesustachu piñachisha ninguichic? ¿Ñucanchicca paita yallichu canchic?

APOCALIPSIS 11:17

Paicunaca: «¡Poderyuc Mandac Dioslla! Cantaca pagui ninchicmi. Canllatacmi cangui, canllatacmi carcangui. Tucui ima ruhuanatapish canllatacmi charingui. Chaillahuantacmi tucui mandanatapish callarishcangui.

APOCALIPSIS 17:16

Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.

APOCALIPSIS 17:18

Can ricushca huarmica tucui cai pachapi tiyac jatun mandaccunata mandac jatun pueblomi» nirca.

APOCALIPSIS 18:17

Cai tucui charishcacunaca shuc ñahui quimllaillapimi tucui tucurishca» ningacunami. Barcopi riccunapish, barcota purichiccunapish, barcota purichicta mandaccunapish, yacupi imata ruhuashpa causaccunapish chaimanta carupimi shayarircacuna.

APOCALIPSIS 18:19

Shina nishpaca, mai llaquirishpa yallita huacashpami, ñuto allpata umapi churashpa: «¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca» nishpami caparircacuna.

APOCALIPSIS 19:3

Chai quipaca cutinllatacmi: «¡Mandac Dioslla, canca alli nishcami cangui! Chai pueblomanta cushni llucshinaca jaicapi mana tucurishpa llucshicungallami» nircacuna.