APOCALIPSIS 18:21 - Dios Rimashcata Quillcashcami

²¹ Chai quipaca mai poderta charic shuc ángel shamushpami shuc rumita japirca. Chai rumica cutana jatun rumi shinami carca. Chaita japishpa mama cucha yacuman shitashpaca: «Chai shinallatacmi Babilonia jatun pueblolla, chingarishpa jaicapi mana ricuringui.

Nuevo Testamento en Quichua Cañar 1996

²¹ Chai q'uipaca imatapish ruhuaclla shuc ángel shamushpaca, shuc rumitami japirca. Chai rumica cutana jatun rumi shinami carca. Chaita japishpa mama cucha yacuman shitashpaca: —Chai shinallatacmi Babilonia jatun pueblolla, chingarishpa jaicapi mana ricuringui.

APOCALIPSIS 18:21 Iomraidhean Croise

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

JOB 20:8

Muscushca shinallami tucuringa. Paitaca mana taringachu. Muscuipi ricushca shinallami chingaringa.

SALMOS 37:36

Shina cashpapish, paica chingarishpa ña mana ricurircachu. Paita mashcashpapish mana tarircanichu.

ÉXODO 15:5

¡Rumi shinami cuchapi ucuyarca! Achca ucu yacumi paicunata taparca.

EZEQUIEL 26:21

Cantaca jatun mancharinatami ruhuasha. Ña mana causanguichu. Canta mashcashpapish jaicapi mana taringacunachu. Chaitaca Mandac Dios ñucami nini» nirca.

DANIEL 11:19

Chai quipami paica paipac llactapi tiyac jatun torreman cutinga. Chaiman cuticpipish huañuchingami. Ña mana ashtahuan ricuringachu.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

APOCALIPSIS 12:8

Shina cashpapish paicunaca mana misharcachu, jahua pachapipish ña mana causanata charircachu.

APOCALIPSIS 16:20

Yacu chaupipi tiyac tucui llactacunapish, shinallatac urcucunapish tucuimi chingarirca.

APOCALIPSIS 18:10

Paita llaquichicushcata ricushpa, manchaihuan carupi saquirishpaca: «¡Tucuimanta yalli jatun pueblolla! ¡Aij, aij, cungaillami canta llaquichina pachaca chayamun!» ningacunami.

APOCALIPSIS 18:22

Flautapi tocashcapish, arpapi tocashcapish, cornetapi tocashcapish, shinallatac maijan cantashcapish cambac callecunapica jaicapi mana uyaringachu. Tucui imata ruhuashpa causaccunapish jaicapi mana tiyangachu. Cutana rumi huacashcapish mana uyaringachu.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

APOCALIPSIS 5:2

Chai quipaca mai poderta charic shuc angeltami ricurcani. Paica sinchita caparishpaca: «¿Maijantac cai sellota anchuchishpa, pillushca pangata pascaipac canguichic?» nirca.